ନର୍ଲା: ନର୍ଲା ବ୍ଲକସ୍ତରୀୟ କ୍ରୀଡ଼ା ଶିକ୍ଷକ ସଂଘର ଆୟୋଜନରେ ଏକ ସ୍ବାଗତ ଓ ବିଦାୟକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ତୁଳାପଡା ଦାମୋଦର ସରକାରୀ ଉଚ୍ଚ ବିଦ୍ୟାପୀଠରେ ଏହି ଭବ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏହି ସଭାରେ ନର୍ଲା ବ୍ଲକର ସମସ୍ତ ବିଦ୍ୟାଳୟରେ ନିଯୁକ୍ତ କ୍ରୀଡ଼ା ଶିକ୍ଷକମାନେ ଯୋଗଦେଇଥିଲେ। ବ୍ଲକ କ୍ରୀଡ଼ା ଶିକ୍ଷକ ସଂଘର ସଭାପତି ଯୁଗଳ କିଶୋର ରଥଙ୍କ ସଭାପତିତ୍ବରେ ଆୟୋଜିତ ଏହି ସଭାରେ ତୁଳାପଡା ହାଇସ୍କୁଲର ଭାରପ୍ରାପ୍ତ ପ୍ରଧାନ ଶିକ୍ଷକ ବୁଡୁ ପାନ୍ ଅତିଥି ଭାବରେ ଯୋଗଦେଇଥିବା ବେଳେ ବରିଷ୍ଠ କ୍ରୀଡ଼ାଶିକ୍ଷକ ନାରାୟଣ ପଧାନ, ଦେବ ପ୍ରସାଦ ପଧାନ, ଋପସିଂ ରାଉତ୍ ପ୍ରମୁଖ ମଞ୍ଚାସୀନ ହୋଇଥିଲେ। ବରିଷ୍ଠ କ୍ରୀଡା ଶିକ୍ଷକ ସନ୍ତୋଷାନନ୍ଦ ନାୟକ, ନାରାୟଣ ପଧାନ, ସୁଧିର ଧଙ୍ଗଡାମାଝୀ, ସମୀର ରଞ୍ଜନ ନାଏକ ପ୍ରମୁଖ ସହଯୋଗ କରିଥିବା ବେଳେ ଧୃବ ଚରଣ ନାଗ୍ ମଞ୍ଚ ପରିଚାଳନା କରିଥିଲେ। ବ୍ଲକରୁ ଅନ୍ୟତ୍ର ବଦଳି ହୋଇଥିବା ଦୁଇଜଣ କ୍ରୀଡ଼ା ଶିକ୍ଷକ ଋପସିଂ ରାଉତ ଓ ଦେବପ୍ରସାଦ ପଧାନଙ୍କୁ ସଂଘ ତରଫରୁ ଉପଢୌକନ ଦେଇ ବିଦାୟ ପ୍ରଦାନ କରା ଯାଇଥିବା ବେଳେ ନୂତନ ଯୋଗଦାନ କରିଥିବା ୩ଜଣ କ୍ରୀଡ଼ା ଶିକ୍ଷକ ପ୍ରିୟବ୍ରତ୍ତ ପଧାନ, ବବୁଲ ଶଙ୍ଖୁଆ, ଧିରେନ୍ଦ୍ର କୁମାର ନାଏକଙ୍କୁ ଉପଢୌକନ ଦେଇ ସ୍ବାଗତ କରାଯାଇଥିଲା। ଏହି ଅବସରରେ କରୋନାରେ ପ୍ରାଣ ହରାଇଥିବା ଦିବଂଗତ କ୍ରୀଡ଼ା ଶିକ୍ଷକ ପ୍ରଜ୍ଞାନନ୍ଦ ନାଏକଙ୍କ ଆତ୍ମାର ସଦଗତି ପାଇଁ ନୀରବ ପ୍ରାର୍ଥନା କରାଯାଇଥିଲା ।
Comments are closed.