ମହାକାଳପଡ଼ା: କେନ୍ଦ୍ରପଡ଼ା ଜିଲା ମହାକାଳପଡ଼ା ଭିତରସୋବକା ଗୋବରୀ ନଦୀ ନିକଟରୁ ଜଣେ ୱେବ ସାମ୍ବାଦିକଙ୍କ ମୃତଦେହ ଉଦ୍ଧାର କରାଯାଇଛି। ମୃତକ ୱେବ ସାମ୍ବାଦିକ ବଡ଼ମଠ ଗାଁର କଳ୍ପତରୁ ରାଉତରାୟ ବୋଲି ଜଣାପଡ଼ିଛି। ଘଟଣାସ୍ଥଳରେ ମହାକାଳପଡ଼ା ପୁଲିସ ପହଞ୍ଚି ମୃତଦେହ ଜବତ ସହ ତଦନ୍ତ ଆରମ୍ଭ କରିଛି।
ମହାକାଳପଡ଼ା ଭିତରସୋବକା ଗୋବରୀ ନଦୀ ନିକଟରେ ଜଣେ ବ୍ୟକ୍ତିଙ୍କ ମୃତଦେହ ପଡ଼ିଥିବା ସ୍ଥାନୀୟ ଲୋୋକ ପୁଲିସକୁ ଖବର ଦେଇଥିଲେ। ମହାକାଳପଡ଼ା ଥାନା ପୁଲିସ ଘଟଣାସ୍ଥଳକୁ ଯାଇ ସେଠାରୁ ମୃତଦେହ ଉଦ୍ଧାର କରିଥିଲେ। ସ୍ଥାନୀୟ ଲୋକେ ମୃତଦେହ ୱେବ ସାମ୍ବାଦିକ କଳ୍ପତରୁ ରାଉତରାୟଙ୍କର ବୋଲି ଚିହ୍ନଟ କରିଥିଲେ। ତାଙ୍କୁ କେହି ହତ୍ୟା ପରେ ଏଠାରେ ଗୋବରୀ ନଦୀ ନିକଟରେ ଫୋପାଡ଼ି ଦେଇଥିବା ଅଭିଯୋଗ କରିଥିଲେ। ମହାକାଳପଡ଼ା ୱେବ ସାମ୍ବାଦିକ କଳ୍ପତରୁ ରାଉତରାୟଙ୍କୁ ହତ୍ୟା କରାଯାଇଥିବା ସନ୍ଦେହରେ ପୁଲିସ ଏକ ମାମଲା ରୁଜୁ ସହ ତଦନ୍ତ ଆରମ୍ଭ କରିଛି।
Comments are closed.