ନିଜ ପସନ୍ଦ ଅନୁଯାୟୀ ଘରକୁ ସଜାଇବା ପାଇଁ ସଭିଁଙ୍କୁ ବେଶ ପସନ୍ଦ। ଗୃହର କାନ୍ଥ ଗୁଡ଼ିକର ସୁନ୍ଦର ରଙ୍ଗ ଘରର ସୌନ୍ଦର୍ଯ୍ୟକୁ ଦୁଇ ଗୁଣିତ କରିଥାଏ। ଘରର ସାଜସଜ୍ଜା ପାଇଁ ବିଭିନ୍ନ ପ୍ରକାରର ଲାଇଟ ଓ କାନ୍ଥର ରଙ୍ଗ ଗୁଡ଼ିକର ଖୁବ ଗୁରୁତ୍ୱପୂର୍ଣ୍ଣ ଭୂମିକା ରହିଛି। କାନ୍ଥର ରଙ୍ଗ ଆପଣଙ୍କ ବିଷୟରେ ବହୁ କିଛି ଜଣାଇଥାଏ। ପ୍ରତ୍ୟେକ ରଙ୍ଗର ନିଜର ବିଶେଷତ୍ୱ ରହିଛି। ନିଜ ପସନ୍ଦର ରଙ୍ଗକୁ ମଧ୍ୟ ଆପଣ ଘରର କାନ୍ଥରେ କରିବା ଦ୍ୱାରା ଏହାର ସକରାତ୍ମକ ଶକ୍ତି ସୃଷ୍ଟି କରିଥାଏ। ଏହା ଆପଣଙ୍କ ବ୍ୟକ୍ତିତ୍ୱ ଓ ଚିନ୍ତାଧାରାକୁ ମଧ୍ୟ ପ୍ରଦର୍ଶିତ କରିଥାଏ। ଜାଣନ୍ତୁ ଆପଣଙ୍କ ଘରର କାନ୍ଥ ରଙ୍ଗ ଆପଣଙ୍କ ବିଷୟରେ କ’ଣ କହିଥାଏ….
ଲାଲ ରଙ୍ଗ –
ଘରର କାନ୍ଥକୁ ଯଦି ଆପଣ ଲାଲ ରଙ୍ଗ କରିଥାଆନ୍ତି , ତେବେ ଏହା ଆପଣ ଜଣେ ଉତ୍ସାହି ବ୍ୟକ୍ତି ବୋଲି ଦର୍ଶାଇଥାଏ। ଅଧ୍ୟୟନ ଅନୁଯାୟୀ ଲାଲ ରଙ୍ଗ ଭଲପାଇବା, ରାଗ ଓ ଫ୍ୟାସନର ପ୍ରତୀକ। ଏହି ରଙ୍ଗ ଆପଣଙ୍କ ସକରାତ୍ମକ ଶକ୍ତିର ମଧ୍ୟ ପରିଚୟ ଦେଇଥାଏ।
ନାରଙ୍ଗୀ ରଙ୍ଗ –
ନାରଙ୍ଗୀ ରଙ୍ଗ ପସନ୍ଦ କରୁଥିବା ବ୍ୟକ୍ତିଙ୍କୁ ହସଖୁସି ବେଶ ପସନ୍ଦ। ଏହା ଆପଣଙ୍କ ମହତ୍ତ୍ୱକାଂକ୍ଷୀ ଗୁଣର ମଧ୍ୟ ପରିଚୟ ଦେଇଥାଏ।
ଧଳା ରଙ୍ଗ –
ଧଳା ରଙ୍ଗ ଶାନ୍ତି ଓ ଧୈର୍ଯ୍ୟର ପ୍ରତୀକ। ଘରର ରଙ୍ଗ ଯଦି ଧଳା ରଙ୍ଗର ହୋଇଥାଏ, ତେବେ ଏହା ଆପଣଙ୍କ ସ୍ୱଚ୍ଛତା ଗୁଣର ପରିଚୟ ଦେଇଥାଏ। ଏହି ରଙ୍ଗ ଗୃହର ସକରାତ୍ମକ ଶକ୍ତି ମଧ୍ୟ ବୃଦ୍ଧି କରିଥାଏ।
ନୀଳ ରଙ୍ଗ –
ନୀଳ ରଙ୍ଗ ଘରର ଶାନ୍ତି ଓ ସୁରକ୍ଷାର ପ୍ରତୀକ ଅଟେ। ବହୁ ଲୋକଙ୍କୁ ଘରର କାନ୍ଥକୁ ନୀଳ ରଙ୍ଗ କରିବା ପସନ୍ଦ। ଯଦି ଆପଣଙ୍କ ଶୟନ କକ୍ଷର କାନ୍ଥ ନୀଳ ରଙ୍ଗ ହୋଇଥାଏ ତେବେ ଏହା ଆପଣଙ୍କ ବିଶ୍ୱାସ ଓ ନିଷ୍ଠାର ପରିଚୟ ପ୍ରଦାନ କରିଥାଏ।
ହଳଦିଆ ରଙ୍ଗ –
ହଳଦିଆ ରଙ୍ଗ ଆପଣଙ୍କର ଆଶାବାଦୀ ଓ ପ୍ରସନ୍ନତାର ପରିଚୟ ପ୍ରଦାନ କରିଥାଏ। କାନ୍ଥ ହଳଦିଆ ରଙ୍ଗ ହେବା ଦ୍ୱାରା ଗୃହରେ ସର୍ବଦା ସକରାତ୍ମକ ଶକ୍ତି ରହିଥାଏ।
ସବୁଜ ରଙ୍ଗ –
ସବୁଜ ରଙ୍ଗ ଶସ୍ୟଶ୍ୟାମଳା ଓ ପ୍ରକୃତିର ପ୍ରତୀକ ଅଟେ। ଏହା ଆପଣଙ୍କର ଆତ୍ମାର ସଠିକ ସନ୍ତୁଳନର ପ୍ରଦର୍ଶିତ କରିଥାଏ। ସବୁଜ ରଙ୍ଗ ବୃଦ୍ଧି, ବିକାଶ, ସ୍ୱାସ୍ଥ୍ୟ, ହସଖୁସି ବ୍ୟକ୍ତିତ୍ୱର ପରିଚୟ ପ୍ରଦାନ କରିଥାଏ।
କାନ୍ଥ ରଙ୍ଗ ଜଣାଇଥାଏ ଆପଣଙ୍କ ରହସ୍ୟ
Popular Categories
Previous article
Next article