ବୁର୍ଲା : ବୁର୍ଲା ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ(ଭିସୁଟ୍) କର୍ତ୍ତୃପକ୍ଷ ଏକ ଦୃଷ୍ଟାନ୍ତମୁଳକ ପଦକ୍ଷେପ ନେଇଛନ୍ତି । ଭିସୁଟ୍ କର୍ତ୍ତୃପକ୍ଷ ଏକ ଘଟଣାର ତଦନ୍ତ କରି ଜଣେ ଛାତ୍ର ଏବଂ ଜଣେ ଛାତ୍ରୀଙ୍କୁ ବିଶ୍ୱବିଦ୍ୟାଳୟରୁ ଟିସି ଦେଇ ତାଙ୍କ ଠାରୁ ଅଣ୍ଡରଟେକିଙ୍ଗ ରଖି ବହିଷ୍କାର କରିଥିବା ସୂଚନା ଦେଇଛନ୍ତି । ତେବେ ଏହି ଘଟଣା ବେଶ କିଛିଦିନ ତଳେ ଘଟିଥିବା ବେଳେ କର୍ତ୍ତୃପକ୍ଷଙ୍କ ଏଭଳି ଦୃଷ୍ଟାନ୍ତ ମୁଳକ କାର୍ଯ୍ୟାନୁଷ୍ଠାନ ଭିସୁଟ ଇତିହାସରେ ପ୍ରଥମ ବୋଲି ଚର୍ଚ୍ଚା ହେଉଛି । ମିଳିଥିବା ସୂଚନା ମତେ ଭିସୁଟର ଉତ୍ପାଦନ ଇଂଜିନିୟରିଙ୍ଗ ବିଭାଗ (ପ୍ରଡକ୍ସନ ଇଂଜିନିୟରିଙ୍ଗ)ର ପ୍ରଥମ ବର୍ଷର ଜଣେ ଛାତ୍ର ଏବଂ ଜଣେ ଛାତ୍ରୀ ଗତ କିଛିଦିନ ପୁର୍ବରୁ ନିଜ ବିଭାଗର ଛାତ ଉପରେ ଅନୈତିକ କାର୍ଯ୍ୟରେ ଲିପ୍ତ ଥିବା ସମୟରେ ଧରାପଡିଥିଲେ। ଏହାପରେ ଭିସୁଟ୍ କର୍ତ୍ତୃପକ୍ଷ ଘଟଣାକୁ ଗୁରୁତର ସହ ଗ୍ରହଣ କରି ତୁରନ୍ତ ଶୃଙ୍ଖଳା କମିଟିର ବୈଠକ କରିବା ଘଟଣାର ଉପରେ ବିଚାରବିମର୍ଶ କରିଥିଲେ। କମିଟିର ରିପୋର୍ଟକୁ ଆଧାର କରି ଭିସୁଟ କର୍ତ୍ତୃପକ୍ଷ ଉଭୟ ଛାତ୍ର ଏବଂ ଛାତ୍ରୀଙ୍କୁ ଟିସି ଦେଇ ବିଶ୍ୱବିଦ୍ୟାଳୟରୁ ବିଦା କରିଥିବା ସୂଚନା ମିଳିଛି । ତେବେ କର୍ତ୍ତୃପକ୍ଷଙ୍କ ଏଭଳି ଦୃଷ୍ଟାନ୍ତମୁଳକ କାର୍ଯ୍ୟାନୁଷ୍ଠାନ ନିଶ୍ଚିତ ଭାବରେ ଛାତ୍ରଛାତ୍ରୀଙ୍କୁ ଅନୁଶାସନ ତଥା ଶୃଙ୍ଖଳିତ ଭାବରେ ରହିବା ଲାଗି ଦିଗଦର୍ଶନ ଦେବ ବୋଲି ବିଭିନ୍ନ ମହଲରେ ମତପ୍ରକାଶ ପାଇଛି। ଅନ୍ୟପକ୍ଷରେ ଭିସୁଟ କର୍ତ୍ତୃପକ୍ଷଙ୍କ ଏତାଦୃଶ କାର୍ଯ୍ୟାନୁଷ୍ଠାନକୁ ବିଭିନ୍ନ ମହଳରେ ପ୍ରଶଂସା କରାଯାଇଛି।
Comments are closed.