ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ଦେଶରେ ୬୭୮ ଜଣ ନୂତନ ସଂକ୍ରମିତ ହେବାପରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୬୪୧୨ ଅତିକ୍ରମ କରିଛି । ସେହିପରି ଗତ ୨୪ ଘଣ୍ଟା ମଧ୍ୟରେ ବିଭିନ୍ନ ରାଜ୍ୟରେ ୩୩ ଜଣ ମୃତ୍ୟୁବରଣ କରିଛନ୍ତି ।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ଅତିରିକ୍ତ ସଚିବ ଲବ୍ ଅଗ୍ରୱାଲଙ୍କ ସୂଚନା ଅନୁସାରେ ଏ ପର୍ଯ୍ୟନ୍ତ ଦେଶରେ ରୋଗୀଙ୍କ ସଂଖ୍ୟା ୬୪୧୨ ହେଲାଣି | ଗତ ୭୨ ଦିନରେ ଭାରତ ୬ ହଜାର ପାରି କରିଛି | ଦେଶରେ ବର୍ତ୍ତମାନ ମୋଟ ୬୪୧୨ ଜଣ କରୋନା ପୀଡିତ ଅଛନ୍ତି | ଏମାନଙ୍କ ମଧ୍ୟରୁ ଆକ୍ଟିଭ ରୋଗୀ ଅଛନ୍ତି ୫୭୦୯ ଜଣ ଥିବା ବେଳେ ୧୯୯ ଜଣ ପ୍ରାଣ ହରାଇଛନ୍ତି। ସେହିପରି ୫୦୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି |
ଭାରତରେ ୪୨ ଦିନରେ ୧୦୦ ଜଣ ଆକ୍ରାନ୍ତ ହୋଇଥିବା ଜଣାପଡିଥିଲା | ୫୮ ଦିନ ପରେ ସଂକ୍ରମିତଙ୍କ ସଂଖ୍ୟା ଏକ ହଜାର ହୋଇଥିଲା ୯ ସପ୍ତାହ ପରେ ୨ ହଜାର ଓ ୬୬ ଦିନରେ ୪ ହଜାର ପହଞ୍ଚିଥିଲା | କିନ୍ତୁ ୭୨ ଦିନ ପରେ ସଂକ୍ରମଣ ବଢି ୬ ହଜାର ପାର କରିଛି |
