ବିନୟ ମୋହନ କ୍ବାତ୍ରା ହେଲେ ଭାରତର ନୂଆ ବୈଦେଶିକ ସଚିବ
![](https://samajalive.in/wp-content/uploads/2022/04/vijay-kwatra-650x430.jpg)
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ପକ୍ଷରୁ ନେପାଳର ରାଷ୍ଟ୍ରଦୂତ ବିନୟ ମୋହନ କ୍ବାତ୍ରାଙ୍କୁ ଭାରତର ନୂଆ ବୈଦେଶିକ ସଚିବ ଭାବେ ନିଯୁକ୍ତି ପ୍ରଦାନ କରାଯାଇଛି। କ୍ୟାବିନେଟର ନିୟୋଜନ କମିଟି ପକ୍ଷରୁ ନୂଆ ବୈଦେଶିକ ସଚିବ ଭାବେ ନିଯୁକ୍ତି ପ୍ରଦାନ ପାଇଁ ବିନୟ କ୍ବାତ୍ରାଙ୍କ ନାମକୁ ସୁପାରିଶ କରାଯାଇଛି। ଏବେ ହର୍ଷବର୍ଦ୍ଧନ ଶ୍ରୀଙ୍ଗଲା ଭାରତୀୟ ବୈଦେଶିକ ସଚିବ ଅଛନ୍ତି ଓ ସେ ଏପ୍ରିଲ ୩୦ ତାରିଖରେ ଅବସର ଗ୍ରହଣ କରିବେ। ତାଙ୍କ ସ୍ଥାନରେ ନିଯୁକ୍ତ ନୂଆ ବୈଦେଶିକ ସଚିବ ଭାବେ ବିନୟ ମୋହନ କ୍ବାତ୍ରାଙ୍କୁ ନିଯୁକ୍ତି ପ୍ରଦାନ ପାଇଁ ସୁପାରିଶ କରାଯାଇଛି।
୧୯୮୮ ବ୍ୟାଚର ବରିଷ୍ଠ ଆଇଏଫଏସ ଅଧିକାରୀ ବିନୟ କ୍ବାତ୍ରା। ବିନୟ କ୍ବାତ୍ରା ଏବେ ଭାରତ ପକ୍ଷରୁ ନେପାଳର ରାଷ୍ଟ୍ରଦୂତ ଅଛନ୍ତି। ଏହାପୂର୍ବରୁ ସେ ଫ୍ରାନ୍ସର ରାଷ୍ଟ୍ରଦୂତ ଏବଂ ପ୍ରଧାନମନ୍ତ୍ରୀଙ୍କ ଯୁଗ୍ମ ସଚିବ ଭାବେ ସଫଳତା ସହ ଦାୟିତ୍ବ ସମ୍ପାଦନ କରିଛନ୍ତି।
Comments are closed.