ନୂଆଦିଲ୍ଲୀ : ବନ୍ଦେ ଭାରତ ଏକ୍ସପ୍ରେସରେ ଖାଦ୍ୟରୁ ବାହାରିଛି ଅସରପା। ଶିରିଡିରୁ ମୁମ୍ବାଇ ଯାତ୍ରା କରୁଥିବା ଏକ ପରିବାର ୧୯ ଅଗଷ୍ଟରେ ଟ୍ରେନରେ ଯାତ୍ରା କରୁଥିବା ସମୟରେ ତାଙ୍କୁ ପରଷା ଯାଇଥିବା ଖାଦ୍ୟରେ ମଲା ଅସରପା ମିଳିଥିଲା। ଏହାକୁ ଭିତ୍ତି କରି ଏହି ପରିବାର ରେଲୱେର ଜଣେ ଅଧିକାରୀଙ୍କ ନିକଟରେ ଅଭିଯୋଗ କରିଥିଲେ । ଏହାର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। ଶେୟାର କରାଯାଇଥିବା ଭିଡିଓ ଓ ଫଟୋରେ ଡାଲି ଭିତରେ ମଲା ଅସରପା ଦେଖାଯାଇଛି ।
Cockroach found in the daal served in Vande Bharat train.#VandeBharatKaKaleshpic.twitter.com/FAtONre3qE
— Kapil (@kapsology) August 20, 2024
ଏହି ପରିବାରର ଜଣେ ବ୍ୟକ୍ତି ଅଭିଯୋଗ କରି କହିଛନ୍ତି, ମୁଁ ଭୋଜନ କରିବା ସମୟରେ ମୋ ପିଉସୀ ଖାଦ୍ୟରେ ମଲା ଅସରପା ଦେଖିଥିଲେ । ଏହି ଖାଦ୍ୟକୁ ମୋ ୮୦ ବର୍ଷର ଜେଜେବାପା ମଧ୍ୟ ଖାଇଛନ୍ତି ।
ଏହାପରେ ଆଇଆରସିଟିସି ପକ୍ଷରୁ ଏକ୍ସରେ ଉକ୍ତ ବ୍ୟକ୍ତିଙ୍କ ପୋଷ୍ଟର ଜବାବ ଦେଇ କୁହାଯାଇଛି, ସେବା ପ୍ରଦାନ କରିଥିବା ବ୍ୟକ୍ତି ବିଶେଷଙ୍କ ଉପରେ ଜୋରିମାନା ଲଗାଯିବ । ଏହି ଭୁଲ୍ ପାଇଁ କ୍ଷମା ପ୍ରାର୍ଥନା ମଧ୍ୟ କରିଛି ଆଇଆରସିଟିସି ।
ସେହିପରି ପ୍ରାୟ ୨ ମାସ ପୂର୍ବରୁ ଏଭଳି ହିଁ ଏକ ଘଟଣା ସାମ୍ନାକୁ ଆସିଥିଲା । ଏକ ଦମ୍ପତି ବନ୍ଦେ ଭାରତ ଏକ୍ସପ୍ରେସରେ ଭୋପାଳରୁ ଆଗ୍ରା ଯାତ୍ରା କରୁଥିବା ସମୟରେ ତାଙ୍କୁ ପରଷା ଯାଇଥିବା ଖାଦ୍ୟରେ ମଧ୍ୟ ମଲା ଅସରପା ମିଳିଥିଲା । ଅନ୍ୟ ଜଣେ ବ୍ୟକ୍ତିଙ୍କୁ ବାସି ଖାଦ୍ୟ ଦିଆଯାଇଥିଲା ବୋଲି ମଧ୍ୟ ସେ ଅଭିଯୋଗ କରିଥିଲେ ।
୨୬ ଅଗଷ୍ଟରେ ମଙ୍ଗଳ କରିବେ ରାଶି ପରିବର୍ତ୍ତନ ; ଏହି ରାଶିଙ୍କ ରହିବନି ଚିନ୍ତା,ବଦଳାଇବେ ଭାଗ୍ୟ..
Comments are closed.