ଆଗ୍ରା : ଉତ୍ତର ପ୍ରଦେଶର ଆଗ୍ରାରେ ବୁଧବାର ଏକ ବସକୁ ଅପହରଣ କରି ନିଆଯାଇଛି। ଦୀର୍ଘ ସମୟ ବିତି ଯାଇଥିଲେ ମଧ୍ୟ ଏପର୍ଯ୍ୟନ୍ତ ବସର କୌଣସି ପତ୍ତା ମିଳି ନାହିଁ।
ଆଗ୍ରା ମାଲପୁରାର ନ୍ୟୁ ସାଉଥ୍ ବାଇପାସ୍ ଠାରେ ଥିବା ରାଇବା ଟୋଲ୍ ପ୍ଲାଜା ନିକଟରୁ ଏକ ବସକୁ ଅପହରଣ କରିନିଆଯାଇଛି। ଏହି ବସ୍ରେ ୩୪ ଜଣ ଯାତ୍ରୀ ଅଛନ୍ତି। ବସ୍ ଗୁରୁଗ୍ରାମରୁ ମଧ୍ୟପ୍ରଦେଶର ପାନ୍ନା ଅଭିମୁଖେ ଯାଉଥିଲା।
ଡ୍ରାଇଭରଙ୍କ କହିବାନୁସାରେ, କିଛି ଲୋକ ବୁଧବାର ସକାଳେ ବସ୍ ପଛରେ ଗୋଡ଼ାଇବା ତାକୁ ଅଟକାଇ ଥିଲେ। ସେମାନେ ନିଜକୁ ଜଣେ ଅର୍ଥ ଲଗାଣକାରୀ ସଂସ୍ଥାର କର୍ମଚାରୀ ବୋଲି କହିଥିଲେ। ବସ୍ ଅଟକାଇବା ପରେ ସେମାନେ ତାକୁ ନିଜ ଅଧୀନକୁ ନେଇଥିଲେ। ଏହା ପରେ ବସ୍ ଆଗକୁ ଯାଇ ବାଟରେ ଏକ ଢାବା ଠାରେ ଅଟକି ଥିଲା। ସମସ୍ତ ଯାତ୍ରୀଙ୍କୁ ସେମାନଙ୍କ ଯାତ୍ରା ଭଡା ବାବଦ ଟଙ୍କା ଫେରସ୍ତ କରି ଦିଆଯାଇଥିଲା। ଖାଦ୍ୟ ମଧ୍ୟ ଖାଇବାକୁ ଦିଆଯାଇଥିଲା।
ଏହା ପରେ ସେ ଏତ୍ମାଦପୁର ଅଞ୍ଚଳରେ ଡ୍ରାଇଭରକୁ ଓହ୍ଲାଇ ସେମାନେ ଫେରାର ହୋଇଯାଇଛନ୍ତି। ଡ୍ରାଇଭର ମାଲପୁରା ଥାନାକୁ ଆସି ପୁଲିସକୁ ସୂଚନା ଦେଇଥିଲେ। ବସ୍ ଡ୍ରାଇଭର ରମେଶଙ୍କ ଅନୁଯାୟୀ କଣ୍ଡକ୍ଟର ଓ ହେଲପରର ମୋବାଇଲ୍ ଫୋନକୁ ସେମାନେ ଛଡାଇ ନେଇଛନ୍ତି।
ଏସଏସପି ବାବୁ କୁମାର କହିଛନ୍ତି ଯେ ସମସ୍ତ ଘଟଣା ବିଷୟରେ ଅନୁଧ୍ୟାନ କରାଯାଉଛି। ଆଇଜି ସୁଭାଷ ସିଂ ବାଗେଲ କହିଛନ୍ତି ଜିଲ୍ଲାର ସୀମା ସିଲ୍ କରି ଯାଞ୍ଚ ଆରମ୍ଭ ହୋଇଛି। ଖୋଜାଖୋଜି ସମୟରେ ବସ୍ ଝାନସିରେ ଥିବା ସୂଚନା ମିଳିଥିଲା, ତେବେ ତାହା ସତ୍ୟ ନୁହେଁ। ରାଜପଥରେ ଯାଞ୍ଚ ଅଭିଯାନକୁ କଡାକଡି କରାଯାଇଛି।
