ଭୁବନେଶ୍ବର: ଉତ୍କଳ ବିଶ୍ବବିଦ୍ୟାଳୟର ବ୍ୟବସାୟ ପ୍ରଶାସନିକ ବିଭାଗ ପକ୍ଷରୁ ‘ଡିମିଷ୍ଟିଫାଇଂ ଡାଟା: ମଲ୍ଟିଭାରିଏଟ୍ ଆନାଲିସିସ୍ ୟୁଜିଂ ଏସ୍ପିଏସ୍ଏସ୍’ ଶୀର୍ଷକ ଜାତୀୟ ୱେବନେୟାର୍ ଅନୁଷ୍ଠିତ ହୋଇଯାଇଛି। ଉଦ୍ଘାଟନ ଉତ୍ସବରେ ମୁଖ୍ୟଅତିଥି ଭାବେ କୁଳପତି ପ୍ରଫେସର ସବିତା ଆଚାର୍ଯ୍ୟ ଯୋଗ ଦେଇ ବୈଜ୍ଞାନିକ ପଦ୍ଧତିରେ କିଭଳି ଗୁଣାତ୍ମକ ଗବେଷଣା କରାଯାଇପାରିବ ସେଥିପ୍ରତି ଗୁରୁତ୍ବ ଦିଆଯିବା ଆବଶ୍ୟକ ବୋଲି କହିଥିଲେ। ଏ ଦିଗରେ ଶିକ୍ଷକ-ଶିକ୍ଷୟିତ୍ରୀ ଗବେଷକ ଓ ଛାତ୍ରଛାତ୍ରୀମାନେ ସ୍ବତନ୍ତ୍ର ଦୃଷ୍ଟି ଦେବାକୁ ସେ ଆହ୍ବାନ ଦେଇଥିଲେ। ହାଇଦ୍ରାବାଦ କେନ୍ଦ୍ରୀୟ ବିଶ୍ବବିଦ୍ୟାଳୟର ପ୍ରଫେସର ଶିବ କୁମାର ଉଦ୍ଗାତା ଏବଂ ଗ୍ବାଲିୟର ଏବିଭି-ଆଇଆଇଟିଏମ୍ ପ୍ରଫେସର ମନୋଜ କୁମାର ଦାସ ରିସୋର୍ସ ପର୍ସନ୍ ଭାବେ ଯୋଗ ଦେଇ ୱେବ୍ନେୟାରର ବିଷୟବସ୍ତୁ ଉପରେ ବିସ୍ତୃତ ଭାବେ ଆଲୋଚନା କରିଥିଲେ। ଉତ୍କଳ ବିଶ୍ବବିଦ୍ୟାଳୟ ବ୍ୟବସାୟ ପ୍ରଶାସନିକ ବିଭାଗ ମୁଖ୍ୟ ଡ.ଦାଶରଥୀ ସାହୁ ସ୍ବାଗତ ଭାଷଣ ଦେଇଥିଲେ। ପ୍ରଫେସର ବିଧୁଭୂଷଣ ମିଶ୍ରଙ୍କ ନିର୍ଦେଶନାରେ ଆୟୋଜିତ ଏହି ୱେବ୍ନାରକୁ ଦେବାନନ୍ଦ ପାତ୍ର ଓ ଆଭାଶତରୂପା ପତି ସଂଯୋଜନା କରିଥିଲେ। ସହକାରୀ ପ୍ରଫେସର ରଶ୍ମିତା ସାହୁ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article