ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟର ଦର୍ଶନ ବିଭାଗ ଏବଂ ନିଖିଳ ଉତ୍କଳ ଦର୍ଶନ ପରିଷଦ ପକ୍ଷରୁ ବିଶିଷ୍ଟ ଦାର୍ଶନିକ ଯତିନ୍ଦ୍ରନାଥ ମହାନ୍ତିଙ୍କ ବିୟୋଗରେ ସ୍ମୃତିସଭା ଅନୁଷ୍ଠିତ ହୋଇଯାଇଛି। ଏଥିରେ ଦର୍ଶନ ବିଭାଗ ମୁଖ୍ୟ ଡ.ସରୋଜକାନ୍ତ କର ସ୍ୱର୍ଗତ ଯତିନ୍ଦ୍ରନାଥ ମହାନ୍ତିଙ୍କ ବହୁମୁଖି ପ୍ରତିଭା ଉପରେ ଆଲୋକପାତ କରିଥିଲେ।
ସ୍ମୃତିଚାରଣ ସଭାରେ ପ୍ରଫେସର ବିଜୟାନନ୍ଦ କର ଯୋଗଦେଇ ସ୍ୱର୍ଗତ ଯତିନ୍ଦ୍ରନାଥ ମହାନ୍ତିଙ୍କ ଆଦର୍ଶରେ ଅନୁପ୍ରାଣିତ ହୋଇ କାର୍ଯ୍ୟ କରିବାକୁ ଆହ୍ୱାନ ଦେଇଥିଲେ। ନିଖିଳ ଉତ୍କଳ ଦର୍ଶନ ପରିଷଦର ସମ୍ପାଦକ ଡ.ସଚ୍ଚିନ୍ଦ୍ର ରାଉଳ, ପ୍ରଫେସର ପ୍ରଫୁଲ୍ଲ କୁମାର ମହାପାତ୍ର, ପ୍ରଫେସର ଶରତଚନ୍ଦ୍ର ପାଣିଗ୍ରାହୀ ପ୍ରମୁଖ ସ୍ୱର୍ଗତ ମହାନ୍ତିଙ୍କ ସ୍ମୃତି ଚାରଣ କରିଥିଲେ। ଡ.ନନ୍ଦିନୀ ମିଶ୍ର ଧନ୍ୟବାଦ ଅର୍ପଣ କରିଥିଲେ।
