ମୁମ୍ବଇ : ଭିକି କୌଶଲଙ୍କ ଅଭିନୀତ ଚଳଚ୍ଚିତ୍ର ‘ଉରୀ-ଦି ସର୍ଜିକାଲ ଷ୍ଟ୍ରାଇକ୍’ ଗୋଟିଏ ପରେ ଗୋଟିଏ ସଫଳତା ହାସଲ କରୁଥିବା ବେଳେ ପୁଣି ଏକ ନୂଆ ରେକର୍ଡ଼ ସୃଷ୍ଟି କରିଛି। ଗତ ୧୧ ଜାନୁଆରୀରେ ପରଦାକୁ ଆସିଥିବା ଏହି ଚଳଚ୍ଚିତ୍ର ମୁକ୍ତିଲାଭର ୨୩-୨୪ ଦିନରେ ଅନେକ ରେକର୍ଡ଼ ହାସଲକାରୀ ‘ବାହୁବଲୀ-୨’ରୁ ଅଧିକ ଆୟ କରି ଚଳିତ ବର୍ଷର ନୂଆ ରେକର୍ଡ ହାସଲ କରିଛି। ‘ବାହୁବଲୀ-୨’ ୨୩ତମ ଦିନରେ ୬.୩୫ କୋଟି ଟଙ୍କା ଆୟ କରିଥିବା ବେଳେ ‘ଉରୀ-ଦି ସର୍ଜିକାଲ ଷ୍ଟ୍ରାଇକ୍’ ୬.୫୩ କୋଟି ଟଙ୍କା ଆୟ କରିଛି। ସେହିପରି ୨୪ତମ ଦିନରେ ‘ବାହୁବଲୀ-୨’ ୭.୮୦ କୋଟି ଟଙ୍କା ଆୟ କରିଥିବା ବେଳେ ‘ଉରୀ’ ୮.୭୧ କୋଟି ଟଙ୍କା ଆୟ କରିଛି। ତେବେ ବର୍ତ୍ତମାନ ସୁଦ୍ଧା ଚଳଚ୍ଚିତ୍ର ପ୍ରାୟ ୧୯୨.୩୦ କୋଟିରୁ ଉର୍ଦ୍ଧ୍ବ ବ୍ୟବସାୟ କରିସାରିଲାଣି। ଚଳିତ ସପ୍ତାହରେ ଚଳଚ୍ଚିତ୍ର ୨୦୦ କୋଟି ଆୟ କରିବାରେ ସଫଳ ହେବ ବୋଲି ଟ୍ରେଡ଼ ଆନାଲିଷ୍ଟ ତରଣ ଆଦର୍ଶ କହିଛନ୍ତି।
