ସୁଆଣ୍ଡୋ : କେନ୍ଦ୍ର ଗ୍ରାମ୍ୟ ଉନ୍ନୟନ ରାଷ୍ଟ୍ରମନ୍ତ୍ରୀ ସାଧ୍ୱୀ ନିରଞ୍ଜନ ଜ୍ୟୋତି ସତ୍ୟବାଦୀରେ ପୁରୀ ଲୋକସଭା ପ୍ରବାସ ଲାଭାର୍ଥୀ ଯୋଜନା ଉଦଘାଟନ କରିଛନ୍ତି । ଏହି ଅବସରରେ ସତ୍ୟବାଦୀ ବିଜେପି ପକ୍ଷରୁ ବ୍ଲକ ଛକ ନିକଟରେ ଏକ ସଭାର ଆଯୋଜନ କରାଯାଇଥିଲା। କେନ୍ଦ୍ର ସରକାରଙ୍କ ବହୁମୂଖୀ ଜନ କଲ୍ୟାଣକାରୀ ଯୋଜନା ସମ୍ପର୍କରେ କହିବା ସହିତ ଆସନ୍ତା ୨୦୨୪ ନିର୍ବାଚନରେ ଓଡିଶାରେ ବିଜେପି ସରକାର ଗଠନ କରିବାକୁ ହେଲେ ତୃଣମୂଳ ସ୍ତରରେ କଠିନ ପରିଶ୍ରମ କରିବାକୁ କର୍ମୀମାନଙ୍କୁ କେନ୍ଦ୍ର ମନ୍ତ୍ରୀ ସାଧ୍ୱୀ ଜ୍ୟୋତି ପରାମର୍ଶ ଦେଇଛନ୍ତି। ଏଥିରେ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର, ଲୋକସଭା ପ୍ରଭାରୀ ଅସୀମ ଦାସ, ପୂର୍ବତନ ବିଧାୟକ ରମାରଞ୍ଜନ ବଳିୟାର ସିଂହ, ବିଜେପି ସାଧାରଣ ସଂପାଦକ ଲେଖାଶ୍ରୀ ସାମନ୍ତସିଂହାର, ପୁରୀ ଜିଲା ବିଜେପି ସଭାପତି ଆଶ୍ରିତ ପଟ୍ଟନାୟକ, ଲୋକସଭା ସଂଯୋଜକ ଶଙ୍କର ପରିଡା, ବିରିଷ୍ଠ ବିଜେପି ନେତା କୃଷ୍ଣ ଜଗଦେବ ପ୍ରମୁଖ ଯୋଗ ଦେଇଥିଲେ ।
ଏହି ଅମସରରେ ମହିଳା କର୍ମୀମାନେ କେନ୍ଦ୍ର ସରକାର, ପୁରୀ ଜିଲାକୁ ୬ ମାସ ଧରି ଗହମ ଯୋଗାଣ କରୁନଥିବା ସମ୍ପର୍କରେ ମନ୍ତ୍ରୀଙ୍କୁ ପଚାରିଥିଲେ। ସମଗ୍ର ଦେଶରେ ଗହମ ଯୋଗାଣ ଠିକ୍ ଠାକ ଚାଲିଥିବା ବେଳେ ଆପଣମାନେ ପାଉନଥିବା ଘଟଣା ଜାଣି ଆଶ୍ଚର୍ଯ୍ୟ ବୋଲି କେନ୍ଦ୍ରମନ୍ତ୍ରୀ କହିଥିଲେ । ସହସ୍ରାଧିକ ମହିଳା ଓ ପୁରୁଷ ସଭାରେ ଯୋଗ ଦେଇଥିଲେ। ରାଜ୍ୟ ବିଜେପି କାର୍ଯକାରୀ କମିଟି ସଭ୍ୟ ଓମ୍ ପ୍ରକାଶ ମିଶ୍ର କାର୍ଯ୍ୟକ୍ରମ ସଂଯୋଜନା କରିଥିଲେ। ସଭା ପରେ କେନ୍ଦ୍ରମନ୍ତ୍ରୀ ଶ୍ରୀ ଜଗନ୍ନାଥଙ୍କୁ ଦର୍ଶନ କରିବାକୁ ପୁରୀ ଯାଇଥିଲେ।
Comments are closed.