ନୂଆଦିଲ୍ଲୀ: କଙ୍ଗୋରେ ମିଳିତ ଜାତିସଂଘର ଶାନ୍ତି ସେନାରେ କାର୍ଯ୍ୟରତ ଦୁଇ ଭାରତୀୟ ବିଏସଏଫ ଯବାନ ହିଂସାତ୍ମକ ଆନ୍ଦୋଳନରେ ପ୍ରାଣ ହରାଇଥିବାରୁ ସେମାନଙ୍କ ପରିବାରକୁ ଜାତିସଂଘ ତରଫରୁ ୫୦ ହଜାର ଡଲାର କ୍ଷତିପୂରଣ ଦେବ ଜାତିସଂଘ। ସୂଚନାଥାଉକି ବିଏସ୍ଏଫର ହେଡ୍ କନେଷ୍ଟବଳ ଶିଶୁପାଳ ସିଂହ ଓ ସାନୱାଲା ରାମ ବିଷ୍ଣୋଇ ଜାତିସଂଘର ଶାନ୍ତି ସେନାରେ ସାମିଲ ହୋଇ କଙ୍ଗୋରେ ମୁତୟନ ଥିଲେ। ବୁଟେମ୍ବାରେ ଏହି ଦୁଇଜଣ ମୁତୟନ ଥିବା ବେଳେ ସ୍ଥାନୀୟ ଜନତାଙ୍କ ହିଂସାତ୍ମକ ଆନ୍ଦୋଳନରେ ସେମାନଙ୍କ ପ୍ରାଣହାନି ଘଟିଥିଲା। କର୍ତ୍ତବ୍ୟ ସମ୍ପାଦନ ସମୟରେ ଉଭୟ ପ୍ରାଣ ହରାଇଥିବାରୁ ସେମାନଙ୍କ ପରିବାରବର୍ଗକୁ ଜାତିସଂଘ ତରଫରୁ ୫୦ ହଜାର ଡଲାର ଅର୍ଥରାଶି କ୍ଷତିପୂରଣ ବାବଦରେ ମଳିବ। ଏହାବାଦ୍ ସହିଦ ଯବାନଙ୍କ ପରିବାରକୁ ବିଏସଏଫ୍ ତରଫରୁ ନିୟମ ମୁତାବକ ଆର୍ଥିକ ସହାୟତା ସହ କେନ୍ଦ୍ର ତରଫରୁ ୩୫ ଲକ୍ଷ ଟଙ୍କା, ପେନସନ୍ ଆଦି ମିଳିବ। ସହିଦ ଦୁଇ ଯବାନ ରାଜସ୍ଥାନର ବାସିନ୍ଦା ହୋଇଥିବା ବେଳେ ସେମାନଙ୍କ ପରଲୋକରେ ବୈଦେଶିକ ମନ୍ତ୍ରୀ ଏସ୍.ଜୟଶଙ୍କର ଓ ବିଏସଏଫ୍ ତରଫରୁ ଶୋକବ୍ୟକ୍ତ କରାଯାଇଛି।
Popular Categories
Previous article
Next article