ସମାଜ ଡିଜିଟାଲ ଡେସ୍କ: ରିଲ୍ସ ନିଶାରେ ଯୁବପିଢ଼ି। ରିଲ୍ସ କରିବା ପାଇଁ ସ୍ଥାନର କୌଣସି ପ୍ରତିବନ୍ଧକ ରହୁନାହିଁ। ସାମାଜିକ ଗଣମାଧ୍ୟମରେ ବାହାଃବା ନେବାଲାଗି ଯେଉଁଠି ପାରୁଛନ୍ତି ସେଠି ରିଲ୍ସ କରୁଛନ୍ତି। ଶ୍ମଶାନ ଭଳି ସ୍ଥାନ ବି ବାଦ ପଡୁନାହିଁ। ତେବେ ଶ୍ମଶାନରେ ରିଲ୍ସ କରି ସାମାଜିକ ଗଣମାଧ୍ୟମରେ ଅପଲୋଡ କରିବା ଦୁଇ ଯୁବତୀଙ୍କ ପାଇଁ ମହଙ୍ଗା ପଡ଼ିଛି। ପୁଲିସ ସେମାନଙ୍କୁ ଗିରଫ କରିଛି।
ଘଟଣାଟି ଇରାନର। ତେହରାନସ୍ଥିତ ଏକ ସମାଧି ସ୍ଥଳରେ ଦୁଇ ଜଣ ଯୁବତୀ ରିଲ୍ସ କରି ସାମାଜିକ ଗଣମାଧ୍ୟମରେ ଶେୟାର କରିଥିଲେ। ସେମାନଙ୍କ ବେଶ ପରିପାଟୀ ମଧ୍ୟ ଦେଶର ନିୟମ ବିରୋଧୀ ଥିଲା। ଏହି ରିଲ୍ସଟି ପ୍ରଘଟ ହେବା ପରେ ପୁଲିସ ଉଭୟଙ୍କୁ ଗିରଫ କରିଛି। ଯାହାଙ୍କ ସମାଧି ସ୍ଥଳରେ ଯୁବତୀଦ୍ବୟ ରିଲ୍ସ କରିଥିଲେ, ସେମାନଙ୍କ ପରିବାର ପକ୍ଷରୁ ଦୃଢ଼ ପ୍ରତିବାଦ କରାଯାଇଥିଲା। ଏହା ପରେ ପୁଲିସ ସେମାନଙ୍କୁ ବାନ୍ଧିଥିଲା।
