ନୂଆଦିଲ୍ଲୀ : ଭାରତର ଦୁଇଚକିଆ ଯାନ ବଜାରରେ ଏପ୍ରିଲ ମାସରେ ଅନେକ ପରିବର୍ତ୍ତନ ଦେଖିବାକୁ ମିଳିଛି । କିଛି ନୂଆ ଗାଡି ତାଲିକାରେ ନଜର ଆସିଛନ୍ତି । ଏପ୍ରିଲ ମାସରେ ଟପ୍ ୧୦ ଦୁଇଚକିଆ ଯାନ ବିକ୍ରି ୯,୫୯,୫୯୮ ୟୁନିଟ୍ସ ରହିଛି ଯାହା ଏପ୍ରିଲ ୨୦୨୪ର ୧୦,୪୩,୮୧୩ ୟୁନିଟ୍ସ ତୁଳନାରେ ୮.୦୭ ପ୍ରତିଶତ କମ୍ ।
ହିରୋ ସ୍ପ୍ଲେଣ୍ଡର ବର୍ଷ ବର୍ଷ ଧରି ଅଧିକ ବିକ୍ରି ହୋଇଥିବା ବାଇକ୍ ସାଜିଛି । ଏଥର କିନ୍ତୁ ବିକ୍ରିରେ ୩୮ ପ୍ରତିଶତ ହ୍ରାସ ନଜର ଆସିଛି । ହୋଣ୍ଡା ଆକ୍ଟିଭା ମଧ୍ୟ ୨୫ ପ୍ରତିଶତ ତଳକୁ ଆସିଛି ଯାହା ଦର୍ଶାଉଛି କି ସ୍କୁଟର ସେଗମେଣ୍ଟ ତୁଳନାରେ ଏହା ଅଧିକ ବିକ୍ରି ହେଉଛି । ଏଚଏଫ୍ ଡିଲକ୍ସର ପରିସ୍ଥିତି ଖରାପ ହେବାରେ ଲାଗିଛି । ଏହାର ବିକ୍ରି ୫୭ ପ୍ରତିଶତ ଖସିଛି । ହୋଣ୍ଡା ସାଇନ୍ ୧୮ ପ୍ରତିଶତ ବୃଦ୍ଧି ସହିତ ତୃତୀୟ ନମ୍ବରରେ ରହିଛି ।
ଟିଭିଏସ୍ ଜୁପିଟରସ୍କୁଟର ନିଜ ସେଗମେଣ୍ଟରେ ଷ୍ଟାର ପାଲଟିଛି । ଏହା ୩୩ ପ୍ରତିଶତ ଦମଦାର ଗ୍ରୋଥ୍ ସହିତ ୫ମ ନମ୍ବରରେ ରହିଛି । ଏପ୍ରିଲ ୨୦୨୫ର ବିକ୍ରି ରିପୋର୍ଟ ଏହା ସ୍ପଷ୍ଟ କରିଛି କି ଦୁଇଚକିଆ ଯାନ ବଜାରରେ ପରିବର୍ତ୍ତନ ହେଉଛି । ଏବେ ଗ୍ରାହକ ଅନେକ ବିଚାର ବିମର୍ଷ ପରେ ନିଜ ବିକଳ୍ପ ଚୟନ କରୁଛନ୍ତି ।
