ପାଟଣା : ପାଟଣା ଥାନା ଅନ୍ତର୍ଗତ ଢେଙ୍କିକୋଟ-ପାଟଣା ୨୨୦ନଂ ଜାତୀୟ ରାଜପଥର କାଶିଆ ନିକଟରେ ଏକ ମୋପେଡ୍ ସହ ବାଇକ ଧକ୍କାରେ ଜଣେ ମହିଳା ଗୁରୁତର ହୋଇଛନ୍ତି । ସୂଚନାରୁ ପ୍ରକାଶ ଗୁଳୁଦିପଶି ଗ୍ରାମ ବାବୁରାମ ପଇଦା ,ସ୍ତ୍ରୀ ଡଲି ପଇଦା ଦୁହେଁ ମିଶି ଘଟଗାଁ କୋଳିପଶି ନିଜ ଭଉଣୀ ଘରକୁ ଯାଉଥିବାବେଳେ ବିପରୀତ ଦିଗରୁ ଅନ୍ୟ ଏକ ବାଇକ ସହ କାଶିଆ ନିକଟରେ ବାଇକ ସହ ମୋପେଡର ଧକ୍କା ହୋଇଥିଲା । ଫଳରେ ମୋପେଡରୁ ସ୍ୱାମୀ, ସ୍ତ୍ରୀ ଛିଟକି ପଡ଼ିଥିଲେ । ସ୍ଥାନୀୟ ଏହା ଦେଖି ସଙ୍ଗେ ସଙ୍ଗେ ଦୁହିଁଙ୍କୁ ଉଦ୍ଧାର କରି ରୋଗୀଯାନ ଯୋଗେ ପାଟଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇଥିଲେ । ସ୍ବାସ୍ଥ୍ୟକେନ୍ଦ୍ରରେ ପ୍ରାଥମିକ ଚିକିତ୍ସାରେ ସ୍ୱାମୀ ବାବୁରାମ ସାମାନ୍ୟ ଆହତ ହୋଇଥିବା ବେଳେ ସ୍ତ୍ରୀ ଡ଼ଲିଙ୍କ ମୁହଁ, କାନ, ମୁଣ୍ଡରେ ଗଭୀର ଆଘାତ ଲାଗିଥିବାରୁ ଡାକ୍ତର ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଥିବା ସୂଚନା ମିଳିଛି।
