ଆଠଗଡ- ଆଠଗଡ ତହସିଲ ପକ୍ଷରୁ କନ୍ଦରପୁର ପଞ୍ଚାୟତ ଅନ୍ତର୍ଗତ ନଣ୍ଡାଇଲୋ ରାସ୍ତାରେ ଚୋରା ଚାଲାଣ ବେଳେ ୨ଟି ମାଙ୍କଡା ପଥର ବୋଝେଇ ଟ୍ରକ୍ ଜବତ କରାଯାଇଛି । ରାଜସ୍ୱ ନିରୀକ୍ଷକ ସୁଚନ୍ଦ୍ର ମହାନ୍ତି ଓ ଅମୀନ ପବିତ୍ର ପ୍ରଧାନ ଅନ୍ୟ କାମରେ ସେହି ରାସ୍ତାରେ ଯାଉଥିବାବେଳେ ପଥର ବୋଝେଇ ଟ୍ରକ୍ ଦୁଇଟିକୁ ଅଟକାଇ ଯାଞ୍ଚ କରିବା ସମୟରେ କୌଣସି ଅନୁମତିପତ୍ର ନଥିବା ଦେଖିଥିଲେ ।
ସେମାନଙ୍କଠାରୁ ସୂଚନା ପାଇ ଅତିରିକ୍ତ ତହସିଲଦାର ସମରେନ୍ଦ୍ର ଭଟ୍ଟ ଓ ଅନ୍ୟତମ ଅତିରିକ୍ତ ତହସିଲଦାର ଅଶୋକ କୁମାର ସ୍ୱାଇଁ ଘଟଣାସ୍ଥଳରେ ପହଞ୍ଚି ଟ୍ରକ ଦୁଇଟିକୁ ଜବତ କରିଥିଲେ । ଏହି ସମୟରେ ସେହି ରାସ୍ତା ଦେଇ ଆସୁଥିବା ଅନ୍ୟ ଏକ ପଥର ବୋଝେଇ ଟ୍ରକ ତହସିଲ କର୍ମଚାରୀଙ୍କୁ ଦେଖି ନିକଟବର୍ତ୍ତୀ ଜଙ୍ଗଲରେ ଗାଡି ପୁରାଇ ଦେଇ ଡ୍ରାଇଭର ସେଠାରୁ ଚମ୍ପଟ ମାରିଥିଲେ । ଉକ୍ତ ଟ୍ରକର ୨ଟି ଚକ ପମ୍ପଚର ହୋଇଯାଇଥିବାରୁ ତାକୁ ଜଙ୍ଗଲ ମଧ୍ୟରେ ଛାଡି ତହସିଲ ଅଧିକାରୀ ଓ କର୍ମଚାରୀ ପଳାଇ ଆସିଥିଲେ । ଆସନ୍ତାକାଲି ଟ୍ରକ ମାଲିକଙ୍କଠାରୁ ସରକାରୀ ନିୟମାନୁଯାୟୀ ଜୋରିମନା ଆଦାୟ କରାଯିବ ବୋଲି ତହସିଲଦାର କ୍ଷେତ୍ରମୋହନ ସ୍ୱାଇଁଙ୍କ ସୁତ୍ରରୁ ପ୍ରକାଶ ।
Comments are closed.