ବ୍ରହ୍ମପୁର: ବିଜେପି ନେତା ତଥା ରାଜ୍ୟ ଆଇନଜୀବୀ ପରିଷଦ ସଦସ୍ୟ ପିତବାସ ପଣ୍ଡାଙ୍କ ଦ୍ୱାଦଶାହ କାର୍ଯ୍ୟକ୍ରମ ବ୍ରହ୍ମପୁର ହଳଦିଆ ପଦର୍ ସ୍ଥିତ ଏକ ଘରୋଇ କଲ୍ୟାଣ ମଣ୍ଡପଠାରେ ଅନୁଷ୍ଠିତ ହୋଇଯାଇଛି । ଏଥିରେ ଖଣି ମନ୍ତ୍ରୀ ବିଭୂତି ଭୂଷଣ ଜେନା, ଆଇନ ମନ୍ତ୍ରୀ ପୃଥୀରାଜ ହରିଚନ୍ଦନ, ଉଚ୍ଚଶିକ୍ଷା ମନ୍ତ୍ରୀ ସୁରଜ୍ ସୂର୍ଯ୍ୟବଂଶୀଙ୍କ ସମେତ ଆସିକା ସାଂସଦ ଅନିତା ସୁଭଦର୍ଶିନୀ, ବ୍ରହ୍ମପୁର ବିଧାୟକ ଅନିଲ କୁମାର, ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକ, ଚିକିଟି ବିଧାୟକ ମନୋରଞ୍ଜନ ଦ୍ୟାନ ସମନ୍ତରାୟ, ଦିଗପହଣ୍ଡି ବିଧାୟକ ତଥା ଅଭିନେତା ସିଦ୍ଧାନ୍ତ ମହାପାତ୍ର, ଖଲିକୋଟ ବିଧାୟକ ପୁର୍ଣ୍ଣଚନ୍ଦ୍ର ସେଠୀ, ଆଇନଜୀବି ପରିଷଦ ଅଧ୍ୟକ୍ଷ ଶିତାଶୁ ଦ୍ବିବେଦୀ, ବିଭୁ ପ୍ରସାଦ ତ୍ରିପାଠୀ ସମେତ ବନ୍ଧୁ, ପରିବାର ବର୍ଗ, ଆଇନଜୀବୀ, ବିଜେପି ନେତା ଓ କର୍ମୀ ଯୋଗ ଦେଇଥିଲେ।
ଏହି ଅବସରରେ ଏକ ସ୍ମରଣିକା ଉନ୍ମୋଚନ କରାଯାଇଥିଲା । ପିତବାସ ନିର୍ଭୀକ ଭାବେ ଜନ ସାଧାରଣଙ୍କ ଓ ଆଇନଜଜୀବୀଙ୍କ ସମସ୍ୟା ପାଇଁ ଲଢ଼ୁଥିଲେ । ଯେଉଁମାନେ ଏଭଳି କୁକର୍ମରେ ଲିପ୍ତ ଥିଲେ ସେମାନଙ୍କୁ ଦଣ୍ଡ ଭୋଗିବାକୁ ପଡିବ ବୋଲି ଆଇନ ମନ୍ତ୍ରୀ କହିଥିଲେ । ଯିଏ ଏହି ଷଡ଼ଯନ୍ତ୍ର କରିଛି ତାକୁ କୌଣସି ମତେ ଛଡାଯିବ ନାହିଁ । କ୍ରାଇମବ୍ରାଞ୍ଚ ସହ ଆଲୋଚନା ହୋଇଛି । ସରକାର ସମସ୍ତ ଚେଷ୍ଟା କରୁଛନ୍ତି ଅଭିଯୁକ୍ତଙ୍କୁ ଧରିବାକୁ । ପରିବାର ବର୍ଗଙ୍କୁ ଭଗବାନ ସାହସ ଦିଅନ୍ତୁ ବୋଲି ମନ୍ତ୍ରୀ କହିଥିଲେ । ବିଜେପି ନେତା କାହ୍ନୁଚରଣ ପତି ଧନ୍ୟବାଦ୍ ଦେଇଥିଲେ।
