ଆଙ୍କାରା: ଆମେରିକା ସମେତ ୧୦ଟି ରାଷ୍ଟ୍ରର ରାଷ୍ଟ୍ରଦୂତଙ୍କୁ ତୁର୍କୀ ବହିଷ୍କାର କରିବାକୁ ନିଷ୍ପତ୍ତି ନେଇଛି । ଦେଶର ରାଷ୍ଟ୍ରପତି ରିସେପ ତୟିପ ଏର୍ଦୋଗାନ ଶନିବାର ଏହି ରାଷ୍ଟ୍ରଦୂତମାନଙ୍କୁ ବହିଷ୍କାର କରିବାକୁ ଆଦେଶ ଦେଇଛନ୍ତି । ମାନବାଧିକାର କର୍ମୀ ଓସମାନ କାଭାଲାଙ୍କୁ ମୁକ୍ତ କରିବାକୁ ଏହିସବୁ ରାଷ୍ଟ୍ର ପକ୍ଷରୁ ଦାବି କରାଯାଉଥିବା ଜବାବରେ ସେ ଏଭଳି ପଦକ୍ଷେପ ନେଇଛନ୍ତି । ତୁର୍କୀରୁ ବହିଷ୍କୃତ ହେବାକୁ ଥିବା ରାଷ୍ଟ୍ରର ରାଷ୍ଟ୍ରଦୂତମାନଙ୍କ ମଧ୍ୟରେ କାନାଡା, ଡେନମାର୍କ, ଫିନଲାଣ୍ଡ, ଫ୍ରାନ୍ସ, ଜର୍ମାନୀ, ହଲାଣ୍ଡ, ନ୍ୟୁଜିଲାଣ୍ଡ, ନରୱେ, ସ୍ୱିଡେନ ଏବଂ ଆମେରିକା ଆଦି ଅନ୍ତର୍ଭୁକ୍ତ । ସୂଚନାଯୋଗ୍ୟ ଯେ ଓସମାନ କାଭାଲା ଚାରିବର୍ଷ ହେଲା କାରଗାରରେ ବନ୍ଦୀ ଅଛନ୍ତି । ଶନିବାର ଦିନ ଏର୍ଦୋଗାନଙ୍କ ନିର୍ଦ୍ଦେଶରେ ଉପରୋକ୍ତ ଦଶଟି ରାଷ୍ଟ୍ରର ରାଷ୍ଟ୍ରଦୂତଙ୍କୁ ତୁର୍କୀ ବୈଦେଶିକ ମନ୍ତ୍ରଣ।।ଳୟକୁ ଡକାଯାଇଥିଲା ଏବଂ କୂଟନୈତିକ ସଂପର୍କକୁ ନେଇ ଭିଏନା ସମ୍ମିଳନୀର ସର୍ତ୍ତ ଉଲ୍ଲଂଘନ କାରଣରୁ ସେମାନଙ୍କୁ ବହିଷ୍କାର କରିବାକୁ ଧମକ ଦିଆଯାଇଥିଲା । ପରେ ଏର୍ଦୋଗାନ ଏହି ଦଶଜଣ ରାଷ୍ଟ୍ରଦୂତଙ୍କୁ ତୁରନ୍ତ ବହିଷ୍କାର କରିବାକୁ ବୈଦେଶିକ ମନ୍ତ୍ରଣାଳୟକୁ ଆଦେଶ ଦେଇଥିଲେ ।
ଏଠାରେ ସୂଚନାଯୋଗ୍ୟ ଯେ କାଭାଲା ଜଣେ ସୁପରିଚିତ ତୁର୍କୀ ବ୍ୟବସାୟୀ ଏବଂ ମାନବାଧିକାର କର୍ମୀ, ଯିଏ ଆନାଡୋଲୁ କୁଲତୁର ଫାଉଣ୍ଡେସନ ସ୍ଥାପନ କରିଥିଲେ । ତାଙ୍କ ସଂସ୍ଥା ଜାତିଆଣ ଏବଂ ଧର୍ମୀୟ ସଂଖ୍ୟାଲଘୁ ପ୍ରକଳ୍ପକୁ ପ୍ରୋତ୍ସାହିତ କରୁଥିଲା ଏବଂ ବିୋଷକରି ତୁର୍କୀ ଏବଂ ଆର୍ମେନିଆ ଜନସାଧାରଣଙ୍କ ମଧ୍ୟରେ ଉତ୍ତମ ସମ୍ପର୍କ ସ୍ଥାପନ ତଥା କୁର୍ଦ୍ଦିଶ ପ୍ରସଙ୍ଗର ଶାନ୍ତିପୂର୍ଣ୍ଣ ସମାଧାନ ଦିଗରେ କାର୍ଯ୍ୟ କରୁଥିଲା । ଏଥିରେ ତୁର୍କୀ ସରକାର କ୍ଷୁବ୍ଧ ହୋଇ ତାଙ୍କୁ ବନ୍ଦୀ କରିଥିଲେ । ୨୦୦୦ ଫେବ୍ରୁଆରୀରେ ତୁର୍କୀର ଏକ ଅଦାଲତ ତାଙ୍କୁ ନିର୍ଦ୍ଦୋଷ ସାବ୍ୟସ୍ତ କରିଥିଲେ । କିନ୍ତୁ ସେହିଦିନ ଇସ୍ତାନବୁଲ ପ୍ରସିକ୍ୟୁଟରଙ୍କ କାର୍ଯ୍ୟାଳୟ ପକ୍ଷରୁ ଏକ ନୂଆ ଗିରଫ ପରୱାନା ଜାରି କରାଯାଇ କାଭାଲାଙ୍କୁ ପୁନର୍ବାର ଗିରଫ କରାଯାଇଥିଲା ଏବଂ ସେବେଠାରୁ ସେ କାରଗାରରେ ରହିଛନ୍ତି ।
ଆମେରିକା ସମେତ ୧୦ ରାଷ୍ଟ୍ରର ରାଷ୍ଟ୍ରଦୂତଙ୍କୁ ବହିଷ୍କାର କରିବ ତୁର୍କୀ
Popular Categories
Previous article
Next article