ସାଧାରଣତଃ ତୁଳସୀ ଗଛକୁ ଆମେ ଖୁବ୍ ପବିତ୍ର ବୋଲି ମନେ କରିଥାଉ ଏବଂ ଏହାକୁ ପୂଜା ମଧ୍ୟ କରିଥାଉ। ଧାର୍ମିକ ମହତ୍ତ୍ୱ ବ୍ୟତୀତ ଏହା ଅନେକ ଔଷଧୀୟ ଗୁଣରେ ଭରପୂର। ଏହା ଅନେକ ପ୍ରକାର ସଂକ୍ରମଣରୁ ରକ୍ଷା କରେ। ଖୁବ କମ୍ ଲୋକ ଏହା ଜାଣିଥିବେ ଯେ, ତ୍ୱଚା ସହିତ ଏହା କେଶ ପାଇଁ ମଧ୍ୟ ଖୁବ୍ ଲାଭଦାୟକ ସାବ୍ୟସ୍ତ ହୋଇଥାଏ। କେଶକୁ ସୁସ୍ଥ ରଖିବାରେ ତୁଳସୀର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ଆସନ୍ତୁ ଜାଣିବା କେଶ ପାଇଁ ତୁଳସୀର ବ୍ୟବହାର ବିଷୟରେ-
-କେଶର ଶୁଷ୍କତା ଏବଂ ରୂପି ଦୂର କରିବାରେ ତୁଳସୀ ସହାୟକ ହୁଏ। ତେଣୁ ନିୟମିତ ଭାବେ ତୁଳସୀ ପତ୍ରକୁ ବାଟି କେଶରେ ଲଗାନ୍ତୁ। ଏକ ଘଣ୍ଟା ପରେ କେଶ ଧୋଇ ଦିଅନ୍ତୁ।
-ତୁଳସୀ ପତ୍ର ପରି ତୁଳସୀ ତେଲ ମଧ୍ୟ ଖୁବ୍ ଉପଯୋଗୀ। ଏହାକୁ କେଶରେ ମାଲିସ କଲେ ଖପୁରୀରେ ରକ୍ତ ସଞ୍ଚାଳନ ହୋଇଥାଏ। ଫଳରେ କେଶ ଝଡ଼ିବା ବନ୍ଦ ହୁଏ।
-ତୁଳସୀରେ ଥିବା ଆଣ୍ଟିବ୍ୟାକ୍ଟେରିଆଲ ଗୁଣ ଯୋଗୁ କେଶର ମଇଳା ସଂପୂର୍ଣ୍ଣ ଭାବେ ସଫା ହେବା ସହ କେଶର ବୃଦ୍ଧିରେ ସହାୟକ ହୁଏ।
-କେଶ ପାଚୁଥିଲେ ମଧ୍ୟ ତୁଳସୀର ପେଷ୍ଟ ଲଗାଇବା ଉଚିତ। ଏହାଦ୍ୱାରା ଅଳ୍ପ ପାଚିଥିବା କେଶ କଳା ହେବା ସହ ଅସମୟରେ କେଶ ପାଚିବ ନାହିଁ।
Comments are closed.