ଡିସେମ୍ବର ଶେଷ ସୁଦ୍ଧା ଡୋନାଲ୍ଡ ଟ୍ରମ୍ପ ଆମେରିକାର ରାଷ୍ଟ୍ରିୟ ଭବନ ଛାଡିବେ। ନିର୍ବାଚନ ପରିଚାଳନା କରୁଥିବା ଆମେରିକାର ଇଲେକ୍ଟୋରାଲ କଲେଜ ସୋମବାର ଜୋ ବାଇଡ଼େନଙ୍କୁ ଆମେରିକାର ପରବର୍ତୀ ରାଷ୍ଟ୍ରପତି ଭାବରେ ବିଧିବଦ୍ଧ ମନୋନୀତ କରିଛନ୍ତି। ରାଷ୍ଟ୍ରପତି ଡ଼ୋନାଲ୍ଡ଼ ଟ୍ରମ୍ପ ନିଜର ପରାଜୟକୁ ଅସ୍ବୀକାର କରିବାରୁ ଇଲେକ୍ଟୋରାଲ କଲେଜ ଚଳିତ ବର୍ଷ ରାଜ୍ୟ-ରାଜ୍ୟ ଭୋଟକୁ ଗୁରତ୍ବ ଦେଇ ଏହି ଘୋଷଣା କରିଥିଲେ। ହ୍ବାଇଟ ହାଉସ ଛାଡିବା ପରେ ଟ୍ରମ୍ପ କେଉଁଠି ରହିବେ ସେ ବିଷୟରେ କଳ୍ପନାଜଳ୍ପନା ଆରମ୍ଭ ହୋଇଛି। ଜୋ ବାଇଡେନଙ୍କ ଆଗମନ ମଧ୍ୟରେ ହ୍ବାଇଟ ହାଉସରେ ଅନେକ ପରିବର୍ତ୍ତନ ଘଟିବାକୁ ଯାଉଛି। ଏଥି ସହିତ ପ୍ରଶ୍ନ ମଧ୍ୟ ଉଠିଛି ଯେ, ରାଷ୍ଟ୍ରିୟ ଭବନ ଛାଡିବା ପରେ ଡୋନାଲ୍ଡ ଟ୍ରମ୍ପ କେଉଁଠାରେ ରହିବେ?
ଡୋନାଲ୍ଡ ଟ୍ରମ୍ପଙ୍କ ଟ୍ରମ୍ପ ଟାୱାରର ଉଲ୍ଲେଖ ବାରମ୍ବାର ଦେଖାଯାଏ। ୫୬ମହଲା ବିଶିଷ୍ଟ ଟାୱାର ନ୍ୟୁୟର୍କ ସିଟିରେ ଅବସ୍ଥିତ। ଏହି ଟାୱାରରେ ନିର୍ମିତ ପେଣ୍ଟହାଉସରେ ଟ୍ରମ୍ପଙ୍କ ନିଜ ବାସଭବନ ରହିଛି। ଡୋନାଲ୍ଡ ଟ୍ରମ୍ପଙ୍କ ଏହି ଘର ଏକ ପ୍ରାସାଦଠାରୁ କମ୍ ନୁହେଁ। ତାଙ୍କ ଘର ଲୁଇ ଚଉଦଶ ଶୈଳୀରେ ୨୪ କ୍ୟାରେଟ୍ ସୁନା ଏବଂ ମାର୍ବଲରେ ସଜାଯାଇଛି। ଏହି ଟାୱାରରେ ଟ୍ରମ୍ପ ବ୍ୟବସାୟ ପାଇଁ ଅନେକ କାର୍ଯ୍ୟାଳୟ ଅଛି। ୨୦୧୭ରେ, ଫୋର୍ବସ୍ ଆକଳନ କରିଛି ଯେ ପେଣ୍ଟହାଉସର ମୂଲ୍ୟ ପ୍ରାୟ ୬୪ ମିଲିୟନ୍ ଡଲାର୍ ହେବ।
ନ୍ୟୁ ଜର୍ସିରେ ଗଲ୍ଫ କ୍ଲବ ବେଡମିଂଷ୍ଟର ନାମକ ଡୋନାଲ୍ଡ ଟ୍ରମ୍ପଙ୍କ ବଙ୍ଗଳା ମଧ୍ୟ ଅଛି। ଏହି ବଙ୍ଗଳା ପ୍ରାୟ ୫୦୦ ବର୍ଗଫୁଟରେ ବ୍ୟାପିଛି ଏବଂ ଏଠାରେ ସେ ପ୍ରାୟତ ଏକାକୀ ସମୟ କାଟିବାକି ଆସିଥାନ୍ତି।
ସେଓ୍ବନ ସ୍ପ୍ରିଙ୍ଗସ୍ ନାମକ ନ୍ୟୁ ଦୁର୍ଗରେ ଟ୍ରମ୍ପଙ୍କର ଏକ ବିଳାସପୂର୍ଣ୍ଣ ଘର ଅଛି। ଯାହା ପ୍ରାୟ ୨୮,୩୨୨ ବର୍ଗଫୁଟ। ଅର୍ଥାତ୍ ଏହି ଘର ହ୍ବାଇଟ ହାଉସର ଅଧା ଭାଗରେ ନିର୍ମିତ। ଏହି ହାଉସରେ ୧୩ଟି ଶୟନ କକ୍ଷ ସହିତ ୬୦ଟି କୋଠରୀ ଅଛି। ଏହା ବ୍ୟତୀତ ତିନୋଟି ସୁଇମିଂ ପୁଲ୍ ଏବଂ ଖେଳିବାକୁ ବଡ ସ୍ଥାନ ଅଛି। ଫୋର୍ବସ୍ ଏହାକୁ ଏକ ପାରିବାରିକ ରିଟ୍ରେଟ ବଙ୍ଗଳା ବୋଲି କହିଥାଏ।
ନ୍ୟୁୟର୍କ ସିଟିରେ ଡୋନାଲ୍ଡ ଟ୍ରମ୍ପଙ୍କ ଏକ ବଡ ଆବାସିକ ସମ୍ପତ୍ତି ମଧ୍ୟରୁ ଟ୍ରମ୍ପ ପାର୍କ ମଧ୍ୟ ରହିଛି। ଏହା ୩୬ ମହାଲା କୋଠା। ଏହି କୋଠାର ଅବଶିଷ୍ଟ ମହଲାକୁ ଭଡା ଦିଆଯାଇଛି ଏବଂ ପ୍ରତ୍ୟେକ ମହଲାରେ ନିର୍ମିତ ଅନେକ ଘରୁ ପ୍ରତି ମାସରେ ପ୍ରାୟ ୧୦୦,୦୦୦ ଡଲାର୍ ମିଳିଥାଏ।
ମୈନହଟନରେ ଟ୍ରମ୍ପ ପାର୍କ ଏଭେନ୍ୟୁ ନାମକ ଏକ ସମ୍ପୂର୍ଣ୍ଣ କ୍ୟାମ୍ପସର ମାଲିକ ଅଟନ୍ତି ଟ୍ରମ୍ପ। ଯାହା ଅନେକ ଆପାର୍ଟମେଣ୍ଟକୁ ନେଇ ଗଠିତ।
