ନୂଆଦିଲ୍ଲୀ : ଟ୍ରାଏମ୍ଫ ନିଜ ମିଡିଲ-ଓ୍ବେଟ ନେକେଡ୍ ଷ୍ଟ୍ରିଟ୍ ବାଇକ ଷ୍ଟ୍ରିଟ୍ ଟ୍ରିପଲ ଆରର ଦାମ୍ ହ୍ରାସ କରିଛି । ୯.୯୫ ଲକ୍ଷ ଟଙ୍କା ବିଶିଷ୍ଟ ଏହି ବାଇକ୍ ଧଳା ଏବଂ ସିଲଭର ରଙ୍ଗ ଏବେ ୪୮ ହଜାର ଟଙ୍କା ଶସ୍ତା ହୋଇଯାଇଛି । ସେହିଭଳି ମ୍ୟାଟ୍ ଅରେଞ୍ଜ ଏବଂ କ୍ରିଷ୍ଟଲ ହ୍ବାଇଟ୍ ରଙ୍ଗ ଭେରିଏଣ୍ଟ ୨୨ ହଜାର ଟଙ୍କା ଶସ୍ତା ହୋଇଛି । ଏହାର ଦାମ୍ ଏବେ ୧୦.୨୧ ଲକ୍ଷ ଟଙ୍କା ।
ଅନ୍ୟପଟେ କମ୍ପାନୀ ଷ୍ଟ୍ରିଟ୍ ଟ୍ରିପଲ ଆରଏସର ୩ ରଙ୍ଗର ବିକଳ୍ପର ଦାମ୍ ୧୪ ହଜାର ଟଙ୍କା ବୃଦ୍ଧି ପାଇଛି । ଏଥିରେ ଫାଣ୍ଟମ ବ୍ଲାକ୍, କାର୍ଣ୍ଣିଭାଲ ରେଡ୍ ଓ କସ୍ମିକ୍ ୟେଲୋ ସାମିଲ । ଏହାର ଦାମ୍ ଏବେ ୧୨.୨୧ ଲକ୍ଷ ଟଙ୍କା ହୋଇଯାଇଛି । ସେହିଭଳି ସିଲଭର ଆଇସ ରଙ୍ଗର ଦାମ୍ ୧୧.୯୫ ଲକ୍ଷ ଟଙ୍କା ହୋଇଛି ଯାହା ପୂର୍ବ ଅପେକ୍ଷା ୧୨ ହଜାର ଟଙ୍କା ଶସ୍ତା ହୋଇଯାଇଛି ।
ଷ୍ଟ୍ରିଟ୍ ଟ୍ରିପଲ ଆର ନିଜ ସେଗମେଣ୍ଟର ପପୁଲାର ମୋଟରସାଇକେଲ । ଏଥିରେ ୭୬୫ ସିସି, ଇନଲାଇନ୍ ଟ୍ରିପଲ ଇଞ୍ଜିନ ରହିଛି ଯାହା ୧୧,୫୦୦ ଆରପିଏମରେ ୧୧୮.୪ ବିଏଚପି ଏବଂ ୯୫୦୦ ଆରପିଏମରେ ୮୦ ଏନଏମ ଟର୍କ ଉତ୍ପନ କରିଥାଏ । ଷ୍ଟ୍ରିଟ୍ ଟ୍ରିପଲ ଆରଏସର ଇଞ୍ଜିନ ୧୨ ହଜାର ଆରପିଏମରେ ୧୨୮.୨ ବିଏଚପି ଉତ୍ପନ କରିଥାଏ । ଏଥିରେ ୫ ଇଞ୍ଚର ଟିଏଫଟି ଇନଷ୍ଟ୍ରୁମେଣ୍ଟ କନସୋଲ୍, ୪ ରାଇଡ୍ ମୋଡ୍ସ, ହ୍ବିଲି କଣ୍ଟ୍ରୋଲ, କର୍ଣ୍ଣରିଂ ଏବିଏସ୍, ଏକ କ୍ବିକ୍ ସିଫ୍ଟର ଏବଂ ଟ୍ରାକ୍ସନ କଣ୍ଟ୍ରୋଲ ଭଳି ଫିଚର୍ସ ମିଳୁଛି ।
Comments are closed.