ସିମୁଳିଆ : ବାଲିଖଣ୍ଡ ଡିଗ୍ରୀ ମହାବିଦ୍ୟାଳୟ ପରିସରରେ ଦାମୀ ଗଛଗୁଡିକୁ କାଟିବାକୁ ନେଇ ଅଞ୍ଚଳବାସୀ ଅସନ୍ତୋଷ ବ୍ୟକ୍ତ କରିବା ସହ ବାଲେଶ୍ବର ଜିଲ୍ଲାପାଳ ଓ ବନ ବିଭାଗ ନିକଟରେ ଅଭିଯୋଗ କରିଥିବା ଜଣାଯାଇଛି । ସୁଚନାରୁ ପ୍ରକାଶ ବାଲେଶ୍ବର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ପୁରୁଷୋତ୍ତମପୁର ପଞ୍ଚାୟତର ବାଲିଖଣ୍ଡ ଡିଗ୍ରୀ କଲେଜ ପରିସରରେ ଥିବା ଆକାଶୀ ଓ ଶାଗୁଆନ କିଛି ଦାମୀ ଗଛ ବିନାନୁମତିରେ କଟା ଯାଇ ବିକ୍ରୟ କରାଯାଇଥିବାର ଗ୍ରାମବାସୀ ବାଲେଶ୍ବର ଜିଲ୍ଲାପାଳ ଓ ସିମୁଳିଆ ତହସିଲଦାରଙ୍କ ନିକଟରେ ଅଭିଯୋଗ କରାଯାଇଛି । ଏ ସଂକ୍ରାନ୍ତରେ ଡିଗ୍ରୀ କଲେଜର ଅଧ୍ୟକ୍ଷ ବସନ୍ତ କୁମାର ବେହେରାଙ୍କୁ ପଚାରିବାରୁ ମହାବିଦ୍ୟାଳୟର ଉନ୍ନୟନ ପ୍ରକଳ୍ପ କାର୍ଯ୍ୟ ଥିବାରୁ ଏବଂ କିଛି ଗଛ ବିପଦ ସଂକୁଳ ଅବସ୍ଥାରେ ଥିବାରୁ ବନ ବିଭାଗକୁ ଅନୁମତି ମାଗାଯାଇଛି । ଧାର୍ଯ୍ୟ ସମୟ ପୂର୍ବରୁ କାର୍ଯ୍ୟ ସମାପ୍ତି ନ କଲେ ପ୍ରକଳ୍ପ ନିମନ୍ତେ ଆସିଥିବା ଅର୍ଥ ଫେରିଯିବ । ଏହା ବ୍ୟତୀତ ମହାବିଦ୍ୟାଳୟର ପରିଚାଳନା କମିଟି ନ ଥିବାରୁ ଷ୍ଟାଫ ବୈଠକ ଡକାଯାଇ ଏଭଳି ନିଷ୍ପତ୍ତି ନିଆଯାଇଛି ବୋଲି ପ୍ରକାଶ କରିଥିଲେ ।
Popular Categories
Previous article
Next article