ମେଷ: ପ୍ରାପ୍ତ କ୍ଷମତାର ସୁବିନିଯୋଗ କରିବେ। କ୍ଷମାଶୀଳ ଗୁଣ ଯୋଗୁଁ ଆପଣଙ୍କ ପ୍ରଶାସନ ସବୁରୀ ଗ୍ରହଣୀୟ ହେବ। ଦୀନ, ଦରିଦ୍ରଙ୍କ ଭାଗ୍ୟ ପରିବର୍ତ୍ତନରେ ସହାୟକ ହୋଇପାରନ୍ତି। ସୁସ୍ଥ ଜୀବନ ବିତାଇବେ।
ବୃଷ: ମାନସିକ ସଂଘାତ ଅନୁଭବ କରିପାରନ୍ତି। ଆପଣଙ୍କ ରସହୀନ ହୃଦୟ ଆଜି ଦିନରେ କିଛି ସମୟ ପାଇଁ ପାଷାଣ ସଦୃଶ୍ୟ ହୋଇପାରେ। କ୍ଲେଶର ମୁକ୍ତିର ଦ୍ବାର ବିଦ୍ୟାକୁ ସ୍ମରଣ କଲେ ବିପଦମୁକ୍ତ ହେବେ।
ମିଥୁନ: ସମ୍ବେଦନା ସହିତ ଯୋଡ଼ି ହେଲେ ସେବାର ସାର୍ଥକତା ଉପଲବ୍ଧ ହେବ। ନିଜ ମନରେ ସାହସ ଓ ଆତ୍ମପ୍ରତ୍ୟେୟ ସୃଷ୍ଟି ହେଲେ ସେବାର ଚରମ ସୀମାରେ ଉପନୀତ ହେବେ। ପତ୍ନୀଙ୍କ ଉପଦେଶ ଗ୍ରହଣୀୟ ହେବ।
କର୍କଟ:ଶତ୍ରୁକୁ ଦୁର୍ବଳ ମନେ କରନ୍ତୁ ନାହିଁ। ଅନୁଜ ଓ ଅଗ୍ରଜମାନଙ୍କ ସହାୟତା ମିଳିବ। ରଣକୌଶଳ ଉପାଦେୟ ହେବ। ଋଣ ପରିଶୋଧ କରିପାରନ୍ତି। ଧର୍ମ କାର୍ଯ୍ୟରେ ଧନ ବ୍ୟୟ କରିବେ। ସୁସ୍ଥ ଓ ନିରାମୟ ରହିବେ।
ସିଂହ: ଦୈବୀଶକ୍ତିସମ୍ପନ୍ନା କନ୍ୟା ସନ୍ତାନ ଜନ୍ମ ହୋଇପାରେ। ସେବା ଓ ପରୋପକାରକୁ ଜୀବନର ବ୍ରତଭାବେ ଗ୍ରହଣ କରିବେ। ପତ୍ନୀଙ୍କ ଆୟରୁ ଆର୍ଥିକ ସ୍ଥିତି ଦୃଢ଼ ହେବ। ବ୍ୟବସାୟ ଲାଭପ୍ରଦ ହୋଇପାରେ।
କନ୍ୟା: ସନ୍ମାର୍ଗୀ ହୋଇ ନିଜର ଉତ୍ତର ଦାୟିତ୍ବ ନିର୍ବାହ କରିବେ। ପରୋପକାର ଲାଗି ଜୀବନକୁ ଉତ୍ସର୍ଗ କରିପାରନ୍ତି। ଚାରା ରୋପଣ କରିପାରନ୍ତି। ଉତ୍ତମ ରୋଜଗାର ହେବ। କର୍ମଠ ଓ କର୍ମଚଞ୍ଚଳ ରହିବେ।
ତୁଳା : ସକଳ ଗୁଣଯୁକ୍ତ, ସୁଖୀ ଓ କାବ୍ୟ ଶାସ୍ତ୍ରାନୁରକ୍ତ ହେବେ। ଈଶ୍ବରୀୟ ବିଭୂତି ପ୍ରାପ୍ତ ହୋଇପାରନ୍ତି। ପ୍ରଜ୍ଞାର ଉନ୍ମେଷ ପାଇଁ ପ୍ରାର୍ଥନାରତ ହେବେ। ଭାଷା ଅମୃତ ତୁଲ୍ୟ ହେବ। ଧନାଗମର ସୂଚନା ମିଳୁଛି।
ବିଛା: ସକଳ ସୃଜନୀକୁ ଲୋକଲୋଚନକୁ ଆଣିପାରନ୍ତି। ଦୈବୀ ବଳରେ ମହାଶକ୍ତି, ମହାଦ୍ୟୁତିସମ୍ପନ୍ନ ହେବେ। ସଂଯମପୂର୍ଣ୍ଣ ସତ୍ଚରିତ୍ରର ନିଦର୍ଶନ ହେବେ। ନିଜ କର୍ତ୍ତବ୍ୟ ପଥରେ ଆରୁଢ଼ ହୋଇପାରନ୍ତି।
ଧନୁ: ଜୀବନର ସାରବତ୍ତାକୁ ପାଥେୟ କରି ସେବା ଓ ଦାନ କ୍ଷେତ୍ରରେ ଅଗ୍ରଗଣ୍ୟ ହୋଇପାରନ୍ତି। ନିଜ ପ୍ରଗତିଶୀଳ ପଦକ୍ଷେପକୁ ଲୋକଲୋଚନକୁ ଆଣିେବ। ଆତ୍ମଶକ୍ତି ଉପରେ ବିଶ୍ବାସ କରିବେ।
ମକର:ସମାଜ ସୁଧାରକ ବ୍ୟକ୍ତିତ୍ବର ଝଲକରେ ଅନୁପ୍ରାଣିତ ହୋଇ ପରମାର୍ଥ ପନ୍ଥା ଅନୁସରଣ କରିପାରନ୍ତି। ନିଷ୍କପଟ, କଳୁଷମୁକ୍ତ ଓ ସ୍ବଚ୍ଛ ସ୍ବଭାବସମ୍ପନ୍ନ ହେବେ। ଧର୍ମ କାର୍ଯ୍ୟରେ ଧନ ବ୍ୟୟ କରିପାରନ୍ତି।
କୁମ୍ଭ:ଜଣେ ଜ୍ଞାନୀ ହିସାବରେ ଶ୍ରେୟକୁ ଗ୍ରହଣ କରି ହେୟକୁ ପରିତ୍ୟାଗ କରିପାରନ୍ତି। ଆତ୍ମା, ଶାଶ୍ବତ ଓ ପୁରାତନ, ସେ ଅଦୃଶ୍ୟ ହୋଇ ଅନ୍ତରରେ ବାସ କରନ୍ତି। ଆତ୍ମ ଶକ୍ତି ପ୍ରୟୋଗରେ ଦୁର୍ଗତି ଦୂର ହେବ।
ମୀନ:ପରସ୍ପର ସ୍ନେହ ରହିଲେ ଘର ବୈକୁଣ୍ଠ ସମାନ ହେବ। ପରିବାର ରୂପୀ ସଂସ୍କାରଶାଳାକୁ ଉତ୍ତମ ରୂପେ ଅନୁଭବ କରିବା ଆବଶ୍ୟକ। ନିଜର ଅବିଗୁଣକୁ ପରିତ୍ୟାଗ କଲେ ଜୀବନ ସୁଖମୟ ହେବ। ଦୟାଳୁ ହେବେ।
Comments are closed.