କଟକ: ପୁଲିସ ଗୁଳିରେ ଆହତ ହୋଇ ଚିକିତ୍ସିତ ହେବା ପରେ ଟିଟୋକୁ ରିମାଣ୍ଡରେ ନେଇଛି ପୁଲିସ। ଶୁକ୍ରବାର ଦିନ ଟିଟୋର ବାସଗୃହ ସମେତ ଅନେକ ସ୍ଥାନରେ ପୁଲିସ ଓ କ୍ରାଇମବ୍ରାଞ୍ଚ ପକ୍ଷରୁ ଚଢଉ କରାଯାଇଛି।
ଟିଟୋର କେତେଜଣ ସହଯୋଗୀ ଓ ସମ୍ପର୍କୀୟଙ୍କ ଘରେ ମଧ୍ୟ ଚଢଉ ଜାରି ରହିଥିବା ସୂଚନା ମିଳିଛି। ସୁରକ୍ଷାକୁ ଦୃଷ୍ଟିରେ ରଖି ସେଠାରେ ୫ ପ୍ଲାଟୁନ ପୁଲିସ ଫୋର୍ସ ମୁତୟନ କରାଯାଇଛି।
ସୂଚନାଯୋଗ୍ୟ ଯେ, ଗୁରୁବାର ବିଳମ୍ବିତ ରାତିରେ ଟିଟୋର ଅନ୍ୟ ଜଣେ ସହଯୋଗୀ ବଳରାମ ମଲ୍ଲିକ ଓରଫ ଚଗଲାକୁ ପୁଲିସ ଏନକାଉଣ୍ଟର କରିଥିଲା। ଚଗଲାର ଦୁଇ ଆଣ୍ଠୁରେ ଗୁଳି ବାଜିଥିଲା। ତାକୁ କଟକ ବଡ ମେଡିକାଲରେ ଭର୍ତ୍ତି କରାଯାଇଥିବା ବେଳେ ତାର ମୃତ୍ୟୁ ହୋଇଯାଇଛି। ଚଗଲାର ଅନ୍ୟ ଦୁଇ ଜଣ ସହଯୋଗୀ ଖସି ପଳାଇଛନ୍ତି। ରଣପୁରସ୍ଥିତ ଓଡିଶା ଗ୍ରାମ୍ୟ ବ୍ୟାଙ୍କ ଶାଖା ଡକାୟତିର ମୁଖ୍ୟ ଅଭିଯୁକ୍ତ କୁହାଯାଉଥିବା ଚଗଲା ନାମରେ ବିଭିନ୍ନ ଥାନାରେ ଅନେକ ମାମଲା ରହିଥିବାର ପୁଲିସ ପକ୍ଷରୁ ସୂଚନା ଦିଆଯାଇଥିଲା।
