ଟିଟିଲାଗଡ଼ : ଟିଟିଲାଗଡ଼ ସହର ଅନ୍ତର୍ଗତ ଗୋରୁବଜାର ପଦାର ଜଣେ ଯୁବକ ନିଜ ବଡ ଭାଇକୁ ହତ୍ୟା କରି ପୋତି ଦେବା ଘଟଣା ଆଜି ପର୍ଦାଫାଶ କରିଛି ଟିଟିଲାଗଡ଼ ପୁଲିସ । ମୃତକ ଗୋରୁବଜାର ପଡାର ସଞ୍ଜୟ ବେହେରା ବୋଲି ଜଣାପଡିଛି।
ସୂଚନା ଯେ ବିଦ୍ୟୁତ ବିଭାଗରେ କାର୍ୟ୍ୟରତ ସଞ୍ଜୟଙ୍କ ବାପାଙ୍କ ମୃତ୍ୟୁ ପରେ ତାଙ୍କ ଗ୍ରାଚୁଇଟି ଟଙ୍କା ଆସିବାର ଥିଲା । ଏହାକୁ ନେଇ ବଡ ଭାଇ କାଳେ ଅଧିକ ଟଙ୍କା ପାଇବ ସେଥିପାଇଁ ଗତ ୪ ତାରିଖ ଦିନ ସାନ ଭାଇ ପ୍ରମୋଦ ବଡ ଭାଇକୁ ହତ୍ୟା କରି ଝାରଦେବନ୍ଧ ଜଙ୍ଗଲରେ ପୋତି ଦେଇଥିଲା । ଆଜି ଟିଟିଲାଗଡ଼ ଉପଖଣ୍ଡ ପୁଲିସ ଅଧିକାରୀ ସୁରେନ୍ଦ୍ର ନାଥ ଶତପଥୀ, ଥାନା ଅଧିକାରୀ ରଞ୍ଜନ ବରିହା ତଥା ସାଇଣ୍ଟିଫିକ ଦଳ ସହ ହତ୍ୟାକାରୀକୁ ଧରି ଜଙ୍ଗଲରେ ଖୋଦେଇ ଚାଲିଛି । ଗାତ ତଳୁ ମୃତକ ସଞ୍ଜୟ ବେହେରାଙ୍କ ମୃତଦେହ ଉଦ୍ଧାର କରାଯାଇଛି। ଘଟଣାର ତଦନ୍ତ ଜାରି ରହିଛି।
ଭାଇକୁ ମାରି ପୋତି ଦେଲା ଭାଇ
Popular Categories
Previous article
Next article