ନୂଆଦିଲ୍ଲୀ : ରାଜସ୍ଥାନର ଏକ ଗାଁରୁ ବାଘ ଓ ମନୁଷ୍ୟର ଏଭଳି ଏକ ଭିଡିଓ ସାମ୍ନାକୁ ଆସିଛି, ଯାହା ସଭିଁଙ୍କୁ ଆଶ୍ଚର୍ଯ୍ୟ ଚକିତ କରିବା ସହ ବିଭିନ୍ନ ପ୍ରଶ୍ନବାଚୀ ସୃଷ୍ଟି କରିଛି । ସୋସିଆଲ ମିଡିଆରେ ଏହା ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓକୁ ଦେଖି ଲୋକେ କ୍ରୋଧ ପ୍ରକାଶ କରିଛନ୍ତି । ଭିଡିଓରେ ଦେଖିପାରିବେ, ଜଣେ ମହିଳା କ୍ଷେତ କଡରେ ବସି କଲରାପତରିଆ ବାଘକୁ ରାଖି ପିନ୍ଧାଇଛନ୍ତି । ରାଖି ବାନ୍ଧିବା ପରେ ମିଠା ଖୁଆଇବାକୁ ମଧ୍ୟ ଚେଷ୍ଟା କରୁଛନ୍ତି । ମାତ୍ର ଆଶ୍ଚର୍ଯ୍ୟଜନକ କଥା ହେଉଛି ବାଘଟି ମଧ୍ୟ ଶାନ୍ତ ଭାବରେ ବସିଛି । ଆକ୍ରମଣ କରୁ ନାହିଁ । ଗାଁ ଲୋକଙ୍କ କହିବାନୁଯାୟୀ, ଏହି ବାଘଟି ଗତ କିଛି ଦିନ ହେବ ଏହି ଅଞ୍ଚଳରେ ଦେଖାଯାଉଛି । ଏଯାଏଁ କାହା ଉପରେ ଆକ୍ରମଣ କରି ନାହିଁ । ଗାଁରେ ଅନେକ ସମୟରେ ବାଘଟି ବୁଲୁଥିବା ମଧ୍ୟ ଦେଖାଯାଏ ।
यह तेंदुआ मेरा भाई है …अब इसे नहीं मारे …!!#SaveWildLife #Leopard #Rajsamand#रक्षाबन्धन #RakshaBandhan #राखी #राजस्थानी #Rajasthan #India pic.twitter.com/PidroBN3xq
— Vinod Bhojak (@VinoBhojak) August 9, 2025
ଭିଡିଓ ଭାଇରାଲ୍ ହେବା ପରେ ଲୋକେ ପଶୁପକ୍ଷୀଙ୍କୁ ହଇରାଣ କରିବା ଓ ଅସାବଧାନତାକୁ ନେଇ ଅନେକ ପ୍ରଶ୍ନ କରିବା ସହ ଭିନ୍ନ ଭିନ୍ନ ମତ ଦେଇଛନ୍ତି । କିଛି ଲୋକେ କହିଛନ୍ତି, ବାଘଟି ହୁଏତ ଆହତ ଅଛି।
ରିପୋର୍ଟନୁସାରେ ଭିଡିଓ ଭାଇରାଲ୍ ହେବା ପରେ ବନ ବିଭାଗ ତୁରନ୍ତ ଚେତାବନୀ ଜାରି କରିଛି । ବନ ବିଭାଗ ଏପରି ନକରିବାକୁ କହିବା ସହ ଏହା ଉଭୟ ପଶୁ ଓ ମନୁଷ୍ୟ ପାଇଁ କ୍ଷତିକାରକ ବୋଲି କହିଛି । ବନ ବିଭାଗ ଉକ୍ତ ଅଞ୍ଚଳକୁ ନଜରରେ ରଖିବା ସହ ବାଘଟିକୁ ସୁରକ୍ଷିତ ସ୍ଥାନକୁ ନେଇଛି।
