ଭୁବନେଶ୍ୱର (ସମାଜ ଡିଜିଟାଲ୍ ଡେସ୍କ)- ବଲାଙ୍ଗୀର ପୁଇଁତଳା ଥାନା ଅନ୍ତର୍ଗତ କେସରକେଲା ଗ୍ରାମରେ ଅଭାବନୀୟ ଘଟଣା । ମୋବାଇଲ୍ ପାଇଁ ପନିକିରେ ସ୍ୱାମୀଙ୍କୁ ହାଣିଦେଲା ସ୍ତ୍ରୀ । ଗଣେଶ୍ୱର ସୁନା ନାମକ ବ୍ୟକ୍ତିଙ୍କ ସ୍ତ୍ରୀ ଇଶ୍ୱରୀ କୁମାରୀ ତାଙ୍କୁ ପନିକିରେ ହାଣି ଦେଇଥିବା ଅଭିଯୋଗ ହୋଇଛି । ଇଶ୍ୱରୀଙ୍କ ଘର ଛତିଶଗଡରେ । ସେମାନଙ୍କ ୪ ବର୍ଷର ଝିଅ ଅଛି । ମୋବାଇଲ୍ ପାଇଁ ମଝିରେ ମଝିରେ ସ୍ୱାମୀ ସ୍ତ୍ରୀଙ୍କର ଝଗଡା ହୁଏ ।
ଶନିବାରରେ ଇଶ୍ୱରୀ ତାଙ୍କ ସ୍ୱାମୀଙ୍କୁ ମୋବାଇଲ୍ ଦେଖିବା ପାଇଁ ମାଗିଥିଲେ । ଡାଟା ଶେଷ ହୋଇଯିବ ବୋଲି ତାଙ୍କ ସ୍ୱାମୀ ଗଣେଶ୍ୱର ମୋବାଇଲ୍ ଦେବାକୁ ମନା କରିଦେଇଥିଲେ ।ଗତକାଲି ରାତିରେ ଗଣେଶ୍ୱର ଶୋଇଥିବା ବଳେ ଇଶ୍ୱରୀ ପନିକି ଆଣି ତାଙ୍କ ସ୍ୱମୀଙ୍କ ମୁଣ୍ଡକୁ ଚୋଟ ମାରିଥିବା ଅଭିଯୋଗ ହୋଇଛି । ଗଣେଶ୍ୱର ରୋକିବା ପାଇଁ ଚେଷ୍ଟା କରିଥିବା ବେଳେ ତାଙ୍କ ହାତକୁ ଚୋଟ ମାରିଥିଲେ ।
ଏହାପରେ ଇଶ୍ୱରୀ ତାଙ୍କ ଝିଅ ସହ କୁଆଡେ ପଳାଇଛନ୍ତି । ଗଣେଶ୍ୱରଙ୍କୁ ସ୍ଥାନୀୟ ଲୋକ ଉଦ୍ଧାର କରି ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଛନ୍ତି ।
Comments are closed.