ସମାଜ ଡିଜିଟାଲ ଡେସ୍କ: ଘରୋଇ କମ୍ପାନୀରେ ଚାକିରି କଲେ ଅଧିକାଂଶ କମ୍ପାନୀ କର୍ମଚାରୀମାନଙ୍କୁ ବର୍ଷକୁ ଅତିକମରେ ଥରେ ବୋନସ ଦେଇଥାଏ। ଅର୍ଥ ହେଉ କି ଉପହାର, ଏସବୁ ବୋନସ ଆକାରରେ ଦିଆଯାଏ। ତାହା ବି ପୁଣି ନିର୍ଦ୍ଦିଷ୍ଟ ପରିମାଣର। କିନ୍ତୁ ଏକ କମ୍ପାନୀ ନିଜ କର୍ମଚାରୀମାନଙ୍କୁ ଯେପରି ବୋନସ ଦେଇଛି, ତାହା ବୋଧହୁଏ କେବେ କେହି ଦେଇ ନ ଥିବେ। ଏହାର ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି।
ଭିଡିଓରେ ଦେଖିବାକୁ ମିଳିଛି ଯେ, କମ୍ପାନୀ ତାହାର ସମସ୍ତ କର୍ମଚାରୀମାନଙ୍କୁ ଧାଡ଼ିରେ ଛିଡ଼ା କରି ସେମାନଙ୍କ ଆଗରେ ଟଙ୍କା ଗଦା କରିଦେଉଛି। ଆଉ କୁହାଯାଉଛି ଯେଉଁ କର୍ମଚାରୀ ଯେତେ ଟଙ୍କା ଗଣିପାରିବେ ତାହା ସେମାନଙ୍କର ବୋନସ। ଗଦା ଗଦା ଟଙ୍କା ଭିତରୁ କର୍ମଚାରୀ ବି ଟଙ୍କା ଗଣି ନେଉଛନ୍ତି। ଏଥିରେ ଗୋଟିଏ ସର୍ତ୍ତ ଥିଲା ନିର୍ଦ୍ଦିଷ୍ଟ ସମୟ ମଧ୍ୟରେ କର୍ମଚାରୀଙ୍କୁ ଟଙ୍କା ଗଣି ନେବାକୁ ହୋଇଥାଏ। ସମୟ ଲଟେରି ମାଧ୍ୟମରେ ଧାର୍ଯ୍ୟ ହୋଇଥାଏ। ଏହି କମ୍ପାନୀଟି ଚୀନର ବୋଲି ଜଣାପଡ଼ିଛି। କମ୍ପାନୀଟି ନିଜ କର୍ମଚାରୀଙ୍କୁ ପ୍ରାୟ ୧୦୦ ନିୟୁତ ୟୁଆନ ବା ଭାରତୀୟ ମୁଦ୍ରାରେ ପ୍ରାୟ ୧୨୦ କୋଟି ଟଙ୍କା ବୋନସ ବାଣ୍ଟି ଦେଇଛି।
ଚୀନର ଏକ ନିୟମ ରହିଛି। ଏଠାରେ ଅଧିକାଂଶ କମ୍ପାନୀ ନୂଆବର୍ଷରେ ନିଜ କର୍ମଚାରୀଙ୍କୁ ବୋନସ ଦିଅନ୍ତି। ନୂଆ ନୂଆ ଉପାୟରେ କମ୍ପାନୀଗୁଡ଼ିକ କର୍ମଚାରୀଙ୍କୁ ବୋନସ ଦେଇ ଖୁସି କରାନ୍ତି।
View this post on Instagram
Pay Online
Comments are closed.