ବଢ଼ିଲା ନାମଲେଖା ଅବଧି, ଜୁନ ୧ ପର୍ଯ୍ୟନ୍ତ ଯୁକ୍ତ ୩ ଆବେଦନ

ଭୁବନେଶ୍ୱର: ରାଜ୍ୟ ସରକାରଙ୍କ ପକ୍ଷରୁ ଯୁକ୍ତ ୩ ପ୍ରଥମ ବର୍ଷ ନାମଲେଖା ପାଇଁ ଆବେଦନ ଅବଧି ଜୁନ ୧ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି। ଆଜି ଶେଷ ହେଉଥିବା ୩ ପ୍ରଥମ ବର୍ଷ ନାମଲେଖା ଆବେଦନ ଅବଧି ଜୁନ ୧ ପର୍ଯ୍ୟନ୍ତ ବଢ଼ାଇ ଦିଆଯାଇଛି। ଯେଉଁମାନେ କମନ ଆପ୍ଲିକେସନ ଫର୍ମ(ସିଏଏଫ)ରେ ଆବେଦନ କରିଛନ୍ତି, ସେମାନେ ସେମାନଙ୍କ ମାର୍କସିଟ ଅପଲୋଡ କରିପାରିବେ। ପ୍ରଥମ, ଦ୍ୱିତୀୟ ଏବଂ ତୃତୀୟ ସିଲେକସନ୍‌‌ ଡେଟ୍‌‌ଲାଇନ ପରବର୍ତ୍ତି ସମୟରେ ପ୍ରକାଶ କରାଯିବ ବୋଲି ଉଚ୍ଚ ଶିକ୍ଷା ବିଭାଗ ପକ୍ଷରୁ ଏ ନେଇ ବିଜ୍ଞପ୍ତି ଜାରି କରାଯାଇଛି।

The timeline for e-Admission into all (+3) Degree Higher Education Institutions (HEIs), including Self-Financing Colleges and Sanskrit Colleges of the State under SAMS, has been extended to 1st June 2025.

For more details, visit – https://t.co/HkqKDLArcQ@suryabanshibjp pic.twitter.com/6oVchPoDKj

— Higher Education Department, Govt. of Odisha 🇮🇳 (@DHE_Odisha) May 20, 2025

ଉଚ୍ଚ ଶିକ୍ଷା ବିଭାଗ ମନ୍ତ୍ରୀ ସୂର୍ଯ୍ୟବଂଶୀ ସୂଚନା ଟ୍ବିଟ କରି କହିଛନ୍ତି ଯେ ଶିକ୍ଷାବର୍ଷ ୨୦୨୫-୨୬ ପାଇଁ ସ୍ନାତକ ପାଠ୍ଯକ୍ରମ ପାଇଁ ନାମଲେଖା ଅବଧି ବୃଦ୍ଧି କରାଯାଇଛି । ଏହା ଆସନ୍ତା ଜୁନ ୧ ତାରିଖ ଯାଏଁ ଜାରି ରହିବ । ଛାତ୍ର ଏକାଡେମିକ୍ ପରିଚାଳନା ପ୍ରଣାଳୀ ବା SAMS ଅଧୀନରେ ଆସୁଥିବା ରାଜ୍ଯର ସମସ୍ତ ବିଶ୍ୱବିଦ୍ୟାଳୟ (U.G. ପାଠ୍ୟକ୍ରମ ପ୍ରଦାନ କରୁଥିବା), + ୩ ଡିଗ୍ରୀ କଲେଜ, ସ୍ଵୟଂଶାସିତ ମହାବିଦ୍ୟାଳୟ, ସେଲଫ୍ ଫାଇନାନସିଂ କୋର୍ସ ଓ ସଂସ୍କୃତ (ଶାସ୍ତ୍ରୀ) ପାଠ୍ୟକ୍ରମରେ ନାମଲେଖା କ୍ଷେତ୍ରରେ ଏହା ଲାଗୁ ହେବ ।

ଶିକ୍ଷାବର୍ଷ ୨୦୨୫-୨୬ ପାଇଁ ସ୍ନାତକ ପାଠ୍ଯକ୍ରମ ପାଇଁ ନାମଲେଖା ଅବଧି ବୃଦ୍ଧି କରାଯାଇଛି । ଏହା ଆସନ୍ତା ଜୁନ ୧ ତାରିଖ ଯାଏଁ ଜାରି ରହିବ । ଛାତ୍ର ଏକାଡେମିକ୍ ପରିଚାଳନା ପ୍ରଣାଳୀ ବା SAMS ଅଧୀନରେ ଆସୁଥିବା ରାଜ୍ଯର ସମସ୍ତ ବିଶ୍ୱବିଦ୍ୟାଳୟ (U.G. ପାଠ୍ୟକ୍ରମ ପ୍ରଦାନ କରୁଥିବା), + ୩ ଡିଗ୍ରୀ କଲେଜ, ସ୍ଵୟଂଶାସିତ ମହାବିଦ୍ୟାଳୟ, ସେଲଫ୍…

— Suryabanshi Suraj (@suryabanshibjp) May 20, 2025

ରାଜ୍ୟରେ +୨ ପରୀକ୍ଷା ଦେଇଥିବା ସମସ୍ତ ଛାତ୍ରଛାତ୍ରୀମାନଙ୍କର ଭବିଷ୍ୟତ ଓ ବୃହତ୍ତର ସ୍ୱାର୍ଥକୁ ଦୃଷ୍ଟିରେ ରଖି ସ୍ନାତକ ପାଠ୍ୟକ୍ରମରେ ନାମଲେଖା ପାଇଁ ରହିଥିବା Common Application Form (CAF) ପୂରଣ ପ୍ରକିୟାର ଅବଧିକୁ ବୃଦ୍ଧି କରିବା ନିମନ୍ତେ ଉଚ୍ଚଶିକ୍ଷା ବିଭାଗ ପକ୍ଷରୁ ନିଷ୍ପତ୍ତି ନିଆଯାଇଛି। ଛାତ୍ରଛାତ୍ରୀମାନେ ଆସନ୍ତା ଜୁନ୍‌ ୧ ତାରିଖ ପର୍ଯ୍ୟନ୍ତ SAMS ପୋର୍ଟାଲ୍‌ରେ ଅନଲାଇନ୍‌ ମାଧ୍ୟମରେ ଫର୍ମ ପୂରଣ କରିପାରିବେ। ଏଥିସହିତ +୨ ପରୀକ୍ଷାରେ ରଖିଥିବା ନିଜର ମାର୍କକୁ ମଧ୍ୟ ଜୁନ୍‌ ୧ ତାରିଖ ସୁଦ୍ଧା ଅପଲୋଡ଼ କରିପାରିବେ ବୋଲି ଉଚ୍ଚ ଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।