ସମାଜ ଡିଜିଟାଲ ଡେସ୍କ: ଭିଜିଲାନ୍ସ ଦ୍ୱାରା ଗିରଫ ହେଲେ କେନ୍ଦୁଝର ଜେଲର ଅଧୀକ୍ଷକ ସତ୍ୟପ୍ରକାଶ ସ୍ୱାଇଁ। ଏହାପୂର୍ବରୁ ସେ ପୂର୍ବରୁ ଝାରପଡା ଜେଲରେ ଅଧୀକ୍ଷକ ରହିଥିଲେ। ଆୟ ବହିର୍ଭୂତ୍ତ ସମ୍ପତ୍ତି ଠୁଳ ଅଭିଯୋଗରେ ଅଧୀକ୍ଷକଙ୍କ ଘରେ ଶୁକ୍ରବାର ଭିିଜିଲାନ୍ସ ଚଢାଉ କରିଥିଲା। ଅମାପ ସମ୍ପତ୍ତିର ହିସାବ ଦେଇନପାରିବାରୁ ସତ୍ୟପ୍ରକାଶଙ୍କୁ ଭିଜିଲାନ୍ସ ଗିରଫ କରିଛି। ସତ୍ୟପ୍ରକାଶ ଆୟ ବହିର୍ଭୂତ୍ତ ସମ୍ପତ୍ତି ଠୁଳ କରିବା ନେଇ ଭୁବନେଶ୍ୱର ଦୁର୍ନୀତି ନିବାରଣ ସ୍ୱତନ୍ତ୍ର ଜଜ ଦ୍ୱାରା ସର୍ଚ୍ଚ ୱାରେଣ୍ଟ ଜାରି ହୋଇଥିଲା। ଏହାପରେ କେନ୍ଦୁଝର ଜିଲା କାରାଗାର ଓ ସରକାରୀ ବାସଭବନ ସମେତ ଭୁବନେଶ୍ୱର ଲକ୍ଷ୍ମୀସାଗର ଥାନା ଗୋବିନ୍ଦ ପ୍ରସାଦ ସ୍ଥିତ ଘର, ଖଣ୍ଡଗିରି ଥାନା ସିଦ୍ଧଇ ବିହାର ସ୍ଥିତ ପୈତୃକ ବାସଭବନ, ଝାରପଡା ସ୍ଥିତ ସରକାରୀ ବାସଭବନ ଏବଂ ଭଦ୍ରକ ଜିଲା ଧୁଷୁରୀ ଥାନା ଅଧିନ ନରସିଂହପୁର ସ୍ଥିତ ପୈତୃକ ବାସଭବନ ସମେତ ଏକସଙ୍ଗେ ୭ଟି ସ୍ଥାନରେ ଚଢାଉ ହୋଇଥିଲା। ଚଢାଉ ବେଳେ ୪ଦାମୀ ପ୍ଲଟ, ରାଜଧାନୀରେ ୪ମହଲା କୋଠା, ପୁଳା ପୁଳା ମୋବାଇଲ୍ ଫୋନ୍, ବିଭିନ୍ନ ବ୍ୟାଙ୍କ ଓ ଡାକଘରେ ୬ଲକ୍ଷ ୨୪ହଜାର ଟଙ୍କା, ୧୪ଲକ୍ଷ ୪୬ହଜାର ଟଙ୍କାର ଘରୋଇ ଆସବାପତ୍ର, ୧୦ଲକ୍ଷ ଟଙ୍କା ମୂଲ୍ୟର ସୁନା ଅଳଙ୍କାର, ଗୋଟିଏ କାର ଓ ମୋଟର ବାଇକ ଠାବ ହୋଇଥିଲା।
Comments are closed.