ଚୌଦ୍ୱାର : ସେପ୍ଟେମ୍ବର ମାସ ୧୪ତାରିଖରେ କମିଶନରେଟ ପୁଲିସ ତରଫରୁ ଚୌଦ୍ୱାର ପୌରପାଳିକାର ୯ନଂ ୱାର୍ଡ ବାଳିକା ବିଦ୍ୟାଳୟ ନିକଟରେ ଗୋଟିଏ ଘରେ ଏକ ନକଲି ଘିଅ ଓ ସସ୍ ତିଆରି କରି ବଜାରରେ ବିକ୍ରି କରାଯାଉଥିବା ଖବରପାଇ କାରଖାନା ଉପରେ ଚଢଉ କରାଯାଇଥିଲା। ଚଢଉ ସମୟରେ ଉକ୍ତ ଘର ଭିତରୁ ବିପୁଳ ପରିମାଣର ନାମୀଦାମୀ ବ୍ରାଣ୍ଡର ଅପମିଶ୍ରିତ ଘିଅ ଓ ସସ୍ ଜବତ କରିଥିଲା ଚୌଦ୍ୱାର ପୁଲିସ। ଏହି ଘଟଣାରେ ପୁଲିସ କମ୍ପାନୀର ମାଲିକକୁ ଗିରଫ କରି କୋର୍ଟ ଚାଲଣ କରିଥିବା ବେଳେ କାରଖାନାକୁ ସିଲ କରିଥିଲା। କୋର୍ଟର ନିର୍ଦ୍ଦେଶକ୍ରମେ ଜୋନ-୧ଏସିପି ଅମରେନ୍ଦ୍ର ପଣ୍ଡା, ଚୌଦ୍ୱାର ଥାନା ଆଇଆଇସି ବିରଞ୍ଚି ନାରାୟଣ ପତି, ଏସ୍ଆଇ ବୃନ୍ଦାବନ ସାହୁ ଓ ଚୌଦ୍ୱାର ଥାନା କର୍ମଚାରୀ ଉପସ୍ଥିତିରେ ରବିବାର ଏହି ସବୁ ନକଲି ଘିଅ, ସସ୍ ବୋତଲ ଓ ପ୍ରସ୍ତୁତ ପାଇଁ ବ୍ୟବହୃତ କଞ୍ଚାମାଲ ଗୁଡିକୁ ସ୍ଥାନୀୟ ବଧୀ ପଡିଆ ନିକଟରେ ଗାତ ଖୋଳାଯାଇ ପୋତାଯାଇଛି।
Comments are closed.