କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା କହିଛନ୍ତି ଯେ କରୋନା ମହାମାରୀ ବିରୋଧରେ ଭାରତର ସଫଳ ସଂଗ୍ରାମକୁ ସମଗ୍ର ବିଶ୍ୱ ପ୍ରଶଂସା କରୁଛି। ହରିୟାଣା ଗୁରୁଗ୍ରାମ ସ୍ଥିତ କାଦରପୁରରେ ଥିବା ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ ଅଫିସର ଟ୍ରେନିଂ ଏକାଡେମୀରେ ବୃହତ ବନୀକରଣ ଅଭିଯାନ ଅବସରରେ ଶାହା କରୋନା ଯୁଦ୍ଧରେ ସୁରକ୍ଷା ବାହିନୀର ଅବଦାନକୁ ପ୍ରଶଂସା କରିଛନ୍ତି।
ସେ କହିଛନ୍ତି, ଭାରତ ସବୁଠାରୁ ଜନବହୁଳ ଦେଶମାନଙ୍କ ମଧ୍ୟରୁ ଅନ୍ୟତମ। ସମସ୍ତେ ଭାବିଥିଲେ ଯେ ଭାରତ ଭଳି ଦେଶ କିପରି କରୋନା ମହାମାରୀ ବିପକ୍ଷରେ ଯୁଦ୍ଧ କରିବ କିନ୍ତୁ ଆଜି ସମଗ୍ର ବିଶ୍ୱ ସାକ୍ଷୀ ଯେ ଭାରତ କିଭଳି ଏହି ମହାମାରୀ ବିରୋଧରେ ସବୁଠାରୁ ସଫଳ ଯୁଦ୍ଧ ଲଢ଼ୁଛି। ଶାହା କହିଛନ୍ତି, କରୋନା ବିରୁଦ୍ଧରେ ଭାରତର ଯୁଦ୍ଧରେ ଆମର ସମସ୍ତ ସୁରକ୍ଷା ବାହିନୀ ଏକ ପ୍ରମୁଖ ଭୂମିକା ଗ୍ରହଣ କରୁଛନ୍ତି ଓ ଏହାକୁ କେହି ଅସ୍ୱୀକାର କରିପାରିବେ ନାହିଁ। ‘ମୁଁ ଏହି କରୋନା ଯୋଦ୍ଧାମାନଙ୍କୁ ନମସ୍କାର କରୁଛି। ସେମାନେ ପ୍ରମାଣ କରିଛନ୍ତି ଯେ ସେମାନେ କେବଳ ଆତଙ୍କବାଦ ସହ ଲଢ଼ନ୍ତି ତାହା ନୁହେଁ ବରଂ କୋଭିଡ ସହିତ ମଧ୍ୟ ଲଢ଼ିବା ଜାଣିଛନ୍ତି’ ବୋଲି ସ୍ବରାଷ୍ଟ୍ର ମନ୍ତ୍ରୀ କହିଛନ୍ତି।
ସେ କହିଛନ୍ତି ଯେ କରୋନା ସଙ୍କଟ ସମୟରେ ଅନେକ ଯବାନ ନିଜ ଜୀବନ ତ୍ୟାଗ କରିଛନ୍ତି। “ମୁଁ ସେହି ଯବାନଙ୍କ ପରିବାର ସହ କଥା ହୋଇଛି ଏବଂ ଆଜି ମୁଁ ସେମାନଙ୍କୁ ପୁଣି ଥରେ ଧନ୍ୟବାଦ ଦେଉଛି, ତୁମର ବଳିଦାନ ନଷ୍ଟ ହେବ ନାହିଁ। ଯେତେବେଳେ କୋଭିଡ-୧୯ ବିରୁଦ୍ଧରେ ମାନବ ଜାତିର ଇତିହାସ ଲେଖାଯିବ, ସେତେବେଳେ ଭାରତର ସୁରକ୍ଷା ବାହିନୀର ଅବଦାନ ସ୍ଵର୍ଣାକ୍ଷରରେ ଲିପିବଦ୍ଧ କରାଯିବ ବୋଲି ସେ କହିଛନ୍ତି।
मैं हमारे सशस्त्र बलों के वीर जवानों का अभिनंदन करता हूँ और उन्हें बधाई देता हूँ जो देश की रक्षा के साथ-साथ पर्यावरण की रक्षा करने वाले इस विशाल अभियान के माध्यम से देशभर में 1 करोड़ से अधिक लंबी आयु वाले वृक्षों के पौधे लगा रहे हैं। pic.twitter.com/ranZIH3agE
— Amit Shah (@AmitShah) July 12, 2020
ସ୍ବରାଷ୍ଟ୍ର ମନ୍ତ୍ରୀ ସଶସ୍ତ୍ର ବାହିନୀର ସାହସୀ ଯବାନମାନଙ୍କୁ ଅଭିନନ୍ଦନ ଜଣାଇବା ଅବସରରେ କହିଛନ୍ତି ଯେ ପରିବେଶର ସୁରକ୍ଷା ପାଇଁ ଏହି ବିଶାଳ ଅଭିଯାନ ମାଧ୍ୟମରେ ସାରା ଦେଶରେ ୧ କୋଟିରୁ ଅଧିକ ଗଛ ଲଗାଉଛନ୍ତି।
