ମୁମ୍ବଇ : କରୋନା ନିଜର କାୟା ବିସ୍ତାର କରିବାରେ ଲାଗିଛି। ଶନିବାର ବିଗ ବି ଓ ତାଙ୍କପୁଅ ଅଭିଷେକ କରୋନା ପଜିଟିଭ ଜଣାପଡ଼ିଥିବା ବେଳେ ରବିବାର ଅନୁପମ ଖେରଙ୍କ ପରିବାର କରୋନା ସଂକ୍ରମିତ ହୋଇଥିବା ଘଟଣା ସାମ୍ନାକୁ ଆସିଛି। ଏହି ବିଷୟରେ ନିଜେ ଅନୁପମ ଖେର ଭିଡ଼ିଓ ମାଧ୍ୟମରେ ଟ୍ୱିଟ କରି ସୂଚନା ଦେଇଛନ୍ତି।
This is to inform all that my mother Dulari is found Covid + (Mildly). We have admitted her into Kokilaben Hospital. My brother, bhabhi & niece inspite of being careful have also tested mildly positive.I got myself tested as well & I have tested negative. @mybmc is informed.!? pic.twitter.com/EpjDIALft2
— Anupam Kher (@AnupamPKher) July 12, 2020
ଟ୍ୱିଟରରେ ଏକ ଭିଡ଼ିଓ ସେୟାର କରି କହିଛନ୍ତି, ତାଙ୍କ ମା’,ଭାଇ , ଭାଉଜ ଓ ଝିଆରୀ କରୋନା ସଂକ୍ରମିତ ହୋଇଛନ୍ତି। ମାତ୍ର ଅନୁପମଙ୍କ ଟେଷ୍ଟ ରିପୋର୍ଟ ନେଗେଟିଭ ଆସିଛି। ସେ କହିଛନ୍ତି କିଛି ଦିନ ହେବ ତାଙ୍କ ମା’ଙ୍କ ସ୍ୱାସ୍ଥ୍ୟବସ୍ଥା ଠିକ ନଥିଲା। ଏହାପରେ ଡ଼ାକ୍ତରଙ୍କ ପରାମର୍ଶ କ୍ରମେ ସେ ତାଙ୍କ ମା’ଙ୍କ ରକ୍ତ ନମୁନା ପରୀକ୍ଷା କରାଇଥିଲେ। ଏହାପରେ ତାଙ୍କ ମା’ଙ୍କ ରିପୋର୍ଟ ପଜିଟିଭ ଆସିଥିଲା। ବର୍ତମାନ ତାଙ୍କ ପରିବାର ସଦସ୍ୟଙ୍କ ହସ୍ପିଟାଲରେ ଭର୍ତି କରାଯାଇଛି। ଡ଼ାକ୍ତର ସେମାନଙ୍କ ଚିକିତ୍ସା ଜାରି ରଖିଛନ୍ତି। ଏହାସହ ଅନୁପମଙ୍କ ଘର ସାନିଟାଇଜ ହେବା ଆରମ୍ଭ ହୋଇଛି। ଭିଡ଼ିଓ ଶେଷରେ ଅନୁପମ ନିଜ ପ୍ରଂଶସକ ଓ ଅନ୍ୟ ସମସ୍ତଙ୍କୁ ନିଜର ଧ୍ୟାନ ରଖିବାକୁ କହିବା ସହ ଡ଼ାକ୍ତରଙ୍କର ପ୍ରଂଶସା କରିଛନ୍ତି।
