ଠାକୁରମୁଣ୍ଡା: ମୟୂରଭଞ୍ଜ ଜିଲ୍ଲା ବାଦାମପାହାଡ ଥାନା ଅନ୍ତର୍ଗତ କୁସୁମୀ ଗ୍ରାମରେ ବୀଭତ୍ସ ହତ୍ୟାକାଣ୍ଡ ଘଟିଛି । ଜନୈକ ଯୁବକଙ୍କୁ କୁରାଢୀରେ ହାଣି ନିର୍ମମ ଭାବେ ହତ୍ୟା କରାଯାଇଛି । ତେବେ ଗତକାଲି ରାତିରେ ଏଭଳି ହତ୍ୟାକାଣ୍ଡ ହୋଇଥିବା ସୂଚନା ମିଳିଛି । କୁସୁମୀ ଗ୍ରାମର ମାଝୀ ସାହି ରାସ୍ତା କଡ଼ରେ ଜୈନିକ ଯୁବକଙ୍କ ରକ୍ତାକ୍ତ ମୃତଦେହ ପଡ଼ିଥିବା ଦେଖିବାକୁ ମିଳିଛି । ଯୁବକଙ୍କୁ ବୀଭତ୍ସ ଭାବରେ କୁରାଢୀରେ ହାଣି ହତ୍ୟା କରାଯାଇଛି । ଖବର ପାଇ ବାଦାମପାହାଡ ଥାନା ପୁଲିସ ଓ ବାରିପଦାରୁ ସାଇଣ୍ଟିଫିକ ଟିମ୍ ଘଟଣାସ୍ଥଳରେ ପହଞ୍ଚି ଛାନଭିନ ଜାରି ରଖିଛନ୍ତି ।
ତେବେ ମୃତଦେହ ନିକଟରେ ଏକ ରକ୍ତ ଲଗା କୁରାଢୀ ମଧ୍ୟ ଜବତ କରିଛି ପୁଲିସ । ମୃତ ଯୁବକ ଜଣକ ସେହି କୁସୁମୀ ଗ୍ରାମ ମାଝୀ ସାହିର ନାଥ ନାଏକ ବୋଲି ଜଣାପଡିଛି । ତେବେ କିଏ କେଉଁ କାରଣରୁ ନାଥକୁ ଏଭଳି ବୀଭତ୍ସ ହତ୍ୟା କରିଛି ଜଣାପିନଥିଲା ବେଳେ ପୁଲିସ ସବୁ ଦିଗରୁ ଛାନଭିନ ଜାରି ରଖିଛି ।
