ନୂଆଦିଲ୍ଲୀ: ସାଉଦିଆରବର ଏକ ମରୁଭୂମିରେ ପ୍ରଚୀନ ମନ୍ଦିର ଉଦ୍ଧାର କରାଯାଇଛି । କୁହାଯାଉଛି କି ମନ୍ଦିରଟି ୮ହଜାର ବର୍ଷର ପୁରୁଣା ହୋଇଥିବା ବେଳେ ମନ୍ଦିର ନିକଟରେ ଜନବସତିର କିଛି ଅଂଶ ଦେଖିବାକୁ ମିଳିଛି । ସର୍ଭେ ସମୟରେ ମନ୍ଦିର ଏବଂ ବେଦୀ ରହିଥିବା ଜଣାପଡ଼ିଛି । ଏପରି ଏକ ମନ୍ଦିର ଅଲ-ଫାଓରେ ଠାବ କରାଯାଇଥିବା ସୂଚନା ଦିଆଯାଇଛି ।
Saudigazette.com.saର ସୂଚନା ଅନୁଯାୟୀ, ବହୁ-ଜାତୀୟ ଦଳ ସାଉଦି ଆରବ ହେରିଟେଜ୍ କମିଶନଙ୍କ ତରଫରୁ ଏକ ଟିମ୍ ସର୍ଭେ କରିବାକୁ ଅଲ-ଫାଓ ଯାଇଥିଲେ । ଟିମ୍ର ସଦସ୍ୟ ମାନେ ସେଠାରେ ସର୍ଭେ କରିବା ସମୟରେ ଏହି ମନ୍ଦିରକୁ ଠାବ କରାଯାଇଥିବା ଜଣାପଡ଼ିଛି । ଏଠାରେ ମିଳୁଥିବା ଜିନିଷଗୁଡ଼ିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ପଥର ମନ୍ଦିର ଏବଂ ଯଜ୍ଞର କିଛି ଅଂଶ ।
ବିଶ୍ୱାସ କରାଯାଏ ଯେ ଅଲ-ଫାଓର ଲୋକମାନେ ଏଠାରେ ରୀତିନୀତି କରୁଥିଲେ। ଅଲ-ଫାଓର ପୂର୍ବ ପାର୍ଶ୍ୱରେ ମିଳିଥିବା ଏହି ପଥର ମନ୍ଦିର ତୁୱାଇକ୍ ପର୍ବତର ଗୋଟିଏ ପାର୍ଶ୍ୱରେ ଅଛି, ଯାହାକୁ ଖାଶେମ କାରିଆ କୁହାଯାଏ ।
ଏହା ବ୍ୟତୀତ, ୮ ହଜାର ବର୍ଷର ନିଉଲିଥିକ୍ ସମୟର ମାନବ ବସତିର ଅବଶିଷ୍ଟାଂଶ ଏଠାରୁ ମିଳିଛି । ଏହା ବ୍ୟତୀତ ବିଭିନ୍ନ ସ୍ଥାନରେ ୨୮୦୭ କବର ମଧ୍ୟ ଦେଖିବାକୁ ମିଳିଥିଲା । ସବୁଠାରୁ ବଡ଼ କଥା ହେଉଛି ସର୍ଭେ ହେବା ପରେ ଏଠାର ଅନେକ ପୁରୁଣା କଥା ସାମ୍ନାକୁ ଆସିଛି ।
ଜଣାପଡ଼ିଛି କି, ପୂର୍ବରୁ ଅଲଫାଓରରେ ଜଟିଳ ଜଳସେଚନ ବ୍ୟବସ୍ଥା ରହିଥିଲା । ଯାହାଫଳରେ ଏଠିକାର ଲୋକ ମାନେ କେନାଲ ଓ ପାଣି ଟଙ୍କି ବ୍ୟତୀତ ଅନେକ ଅନେକ ସ୍ଥାନରେ ଗାତ ଖୋଲିଛନ୍ତି । କାରଣ ଗାତରେ ପାଣି ସଞ୍ଚୟ ରଖି ଚାଷ କରିକରିପାରିବେ । ତାହାଛଡ଼ା ମରୁଭୂମିରେ ଏପରି ପୂର୍ବରୁ ପାଣି ସଞ୍ଚୟ କରାଯାଉଥିଲା ବୋଲି ପ୍ରମାଣ ମିଳିଛି ।
