ହାଇଦରାବାଦ: ତେଲେଙ୍ଗାନାରେ ଆୟୋଜିତ ଏକ ବିବାହ ଭୋଜି କୋଭିଡ-୧୯ ସଂକ୍ରମଣ ବ୍ୟାପିବାର ଏକ ବଡ କାରଣ ପାଲଟିଛି। ଏହି ବିବାହ ଭୋଜିରେ ଯୋଗଦେଇଥିବା ୮୭ ଜଣ ଅତିଥି କୋଭିଡ-୧୯ ପଜିଟିଭ ହୋଇଥିବା ଜଣାପଡିଛି। ସେମାନଙ୍କୁ ତୁରନ୍ତ ଗୃହାବଦ୍ଧରେ ରଖାଯାଇଛି। ଏହି ଘଟଣା ଘଟିଛି ରାଜ୍ୟର ନିଜାମାବାଦ ଜିଲାର ହାନ୍ମାଜିପେଟ ଗ୍ରାମରେ। ଖବର ଜଣାପଡିବା ପରେ ସ୍ୱାସ୍ଥ୍ୟ ବିଭାଗ କର୍ମଚାରୀମାନେ ସେଠାରେ ପହଂଚିତ ଗ୍ରାମବାସୀଙ୍କର ସ୍ୱାସ୍ଥ୍ୟ ପରୀକ୍ଷା ଆରମ୍ଭ କରିଛନ୍ତି। ଏଥିସହିତ ପରିସ୍ଥିତିର ମୁକାବିଲା କରିବାକୁ ଉକ୍ତ ଗ୍ରାମରେ ଏକ ଆଇସୋଲେସନ କେନ୍ଦ୍ର ମଧ୍ୟ ଖୋଲାଯାଇଛି। ଉକ୍ତ ବିବାହ ଭୋଜିରେ ପଡୋଶୀ ଗ୍ରାମ ସିଦ୍ଦାପୁରରୁ ଶତାଧିକ ଲୋକ ଯୋଗଦେଇଥିବା ଜଣାଯାଇଛି। ସେମାନଙ୍କ ମଧ୍ୟରୁ ଅନେକ କୋଭିଡ ପଜିଟିଭ ଜଣାପଡିବା ପରେ ସେମାନଙ୍କୁ ନିଜାମାବାଦସ୍ଥିତ ସରକାରୀ ହସପିଟାଲରେ ଭର୍ତ୍ତି କରାଯାଇଛି। ଜଣେ ପ୍ରଶାସନିକ ଅଧିକାରୀ କହିଛନ୍ତି, ବିବାହ ଭୋଜିରେ କୋଭିଡ କଟକଣା ପାଳନ କରାନଯିବା କାରଣରୁ ଏଭଳି ଘଟଣା ଘଟିଛି।
Popular Categories
Previous article
Next article