ଅନେକ ଲୋକ ବର୍ତ୍ତମାନ ଟିବି ରୋଗରେ ଆକ୍ରାନ୍ତ ହେଉଛନ୍ତି। ସାମାନ୍ୟ କାଶ ହେଲେ ଲୋକମାନେ ଟିବି ହେବା ଆଶଙ୍କା କରିଥାନ୍ତି। ଏହା ଏକ ସଂକ୍ରାମକ ରୋଗ ଅଟେ। ଟିବି ରୋଗରୁ ରକ୍ଷା ପାଇବାକୁ ଚାହୁଁଥିଲେ ପ୍ରତିଦିନ ଅତି କମରେ ପାଞ୍ଚ ମିନିଟ ଖରାରେ ରୁହନ୍ତୁ। ଏପରି କରିବା ଦ୍ବାରା ଆପଣ ନୀରୋଗ ରହି ପାରିବେ।
ଲକ୍ଷ୍ନୌରେ ଅନୁଷ୍ଠିତ ଇଣ୍ଡିଆ ଇଣ୍ଟରନ୍ୟାସନାଲ ସାଇନ୍ସ ଫେଷ୍ଟିଭାଲ (ଆଇ ଆଇ ଏସ୍ ଏଫ୍)ର ସ୍ବାସ୍ଥ୍ୟ କନକ୍ଲେଭରେ କିଙ୍ଗସ ଜର୍ଜ ମେଡିକାଲ ୟୁନିଭର୍ସ ୟୁନିଭର୍ସିଟିର ରେସ୍ପିରେଟେରି ମେଡିସିନର ମୁଖ୍ୟ ଡାକ୍ତର ସୂର୍ଯ୍ୟକାନ୍ତ କହିଛନ୍ତି ଯେ, ଖରାରେ ଆମେ କିଛି ସମୟ ଠିଆ ହେବା ଦ୍ବାରା ଆମ ଶରୀରରୁ ଟିବିର ବ୍ୟାକ୍ଟେରିଆ ମରିଯାଆନ୍ତି।
ଏକ ତଥ୍ୟରୁ ଜଣାଯାଇଛି ଯେ, ଭାରତରେ ବର୍ତ୍ତମାନ ପ୍ରାୟ ୩୨ ଲକ୍ଷ ଟିବି ରୋଗୀ ଅଛନ୍ତି। ଟ୍ରାନ୍ସ ଫ୍ୟୁଜନ୍ ମେଡିସିନ୍ ବିଭାଗର ମୁଖ୍ୟ ଡାକ୍ତର ତୁଲିକା ଚନ୍ଦ୍ରା କହିଛନ୍ତି ଯେ, ପ୍ରତି ତିନି ମାସରେ ରକ୍ତଦାନ କରିବା ଉଚିତ। ଏହା ଫଳରେ ରକ୍ତରେ ମୋବିଲିଟି ବଢ଼ିଥାଏ। ଏହାସହ ହୃଦଘାତର ଆଶଙ୍କା ମଧ୍ୟ ପାଞ୍ଚ ପ୍ରତିଶତ ହ୍ରାସ ପାଇଥାଏ। ଏଣୁ ଉପରୋକ୍ତ ଦିଗପ୍ରତି ଧ୍ୟାନ ଦେଲେ ଟିବି ସଂକ୍ରମଣ ହେବାର ଆଶଙ୍କା ଖୁବ୍ କମିଯାଇଥାଏ।
