ଚେନ୍ନାଇ ..- ଜଣେ ଚଳଚ୍ଚିତ୍ର ନିର୍ମାତା ଓ ନିର୍ଦେଶକ ପତ୍ନୀଙ୍କୁ ହତ୍ୟା କରିଥିବା ଅଭିଯୋଗରେ ଗିରଫ ହୋଇଛନ୍ତି । ୫୧ ବର୍ଷିୟ ଚଳଚ୍ଚିତ୍ର ନିର୍ମାତା ବାଲକ୍ରିଷ୍ଣନ ଜାନୁଆରୀ ୧୯ ତାରିଖରେ ନିଜର ପତ୍ନୀ ସନ୍ଧ୍ୟାଙ୍କୁ ହତ୍ୟା କରିଥିଲେ । ଏହାପରେ ସେ ତାଙ୍କ ଶରୀରକୁ ଖଣ୍ଡ ଖଣ୍ଡ କରି କାଟି ପ୍ୟାକେଟରେ ଭର୍ତ୍ତି କରିଥିଲେ । ସେ ଚେନ୍ନାଇର ବିଭିନ୍ନ ଡମ୍ପିୟାର୍ଡରେ ଶରୀରର ଖଣ୍ଡ ବିଖଣ୍ଡିତ ଶରୀରକୁ ଫିଙ୍ଗି ଦେଇଥିଲେ।
ଡମ୍ପିୟା୍ରଡରୁ ଶରୀରର ଅଂଶ ମିଳିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଥିଲା । ଗୋଡ ଓ ଶରୀର ଅନ୍ୟ ଅଂଶରେ ଥିବା ଟାଟୁରୁ ସେ ସନ୍ଧ୍ୟା ବୋଲି ଜଣା ପଡିଥିଲେ । ତାଙ୍କ ଶରୀରରେ ଏକ ଡ୍ରାଗନ ଓ ଶିବ ପାର୍ବତୀଙ୍କର ଟାଟୁ ହୋଇଥିଲା । ପୁଲିସ ଏହାକୁ ବିଭିନ୍ନ ସାମାଜିକ ଗଣାମାଧ୍ୟମରେ ପୋଷ୍ଟ କରିଥିଲା । ସନ୍ଧ୍ୟାଙ୍କ ମାଆ ତାଙ୍କୁ ଚିହ୍ନି ପାରିଥିଲେ । ପୁଲିସ ତଦନ୍ତ କରୁଥିବା ବେଳେ ବାଲାକ୍ରିଷ୍ଣା ତାଙ୍କ ପତ୍ନୀ ବାହାରକୁ ବୁଲିବାକୁ ଯାଇଥିବା କହିଥିଲେ । ମାତ୍ର ସନ୍ଧ୍ୟାଙ୍କର ଫୋନ୍ ନଟ ରିଚେବଲ୍ ଦେଖାଇଥିଲା । ପରେ ତଦନ୍ତ ବେଳେ ବାଲାକ୍ରୀଷ୍ଣା ତାଙ୍କ ସ୍ତ୍ରୀକୁ ହତ୍ୟା କରିଥିବା ବିଷୟରେ ସ୍ୱୀକାର କରିଥିଲେ । ତାଙ୍କ ସ୍ତ୍ରୀଙ୍କ ଚରିତ୍ରକୁ ସନ୍ଦେହ କରି ସେ ଏହି ହତ୍ୟା କରିଥିବା ସ୍ୱୀକାର କରିଛନ୍ତି ।
