ମୁମ୍ବଇ: ଲୋକପ୍ରିୟ ଦକ୍ଷିଣଭାରତୀୟ ତଥା ବଲିଉଡ଼ ଅଭିନେତ୍ରୀ ତମନ୍ନା ଭାଟିଆ କରୋନା ସଂକ୍ରମିତ ହୋଇଛନ୍ତି। ବର୍ତ୍ତମାନ ସେ ହାଇଦ୍ରାବାଦର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି। ତମନ୍ନା ହାଇଦ୍ରାବାଦରେ ଶୁଟିଂ ପରେ ଅସୁସ୍ଥ ଅନୁଭବ କରିଥିଲେ। ଡାକ୍ତରଙ୍କ ପରାମର୍ଶ କ୍ରମେ ସେ କୋଭିଡ ଟେଷ୍ଟ କରିଥିଲେ ଏବଂ ରିପୋର୍ଟ ପଜିଟିଭ ଆସିଥିଲା। ଏ ଖବର ଶୁଣିବା ପରେ ପ୍ରଶଂସକମାନେ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି।
ସୂଚନାଯୋଗ୍ୟ, ଅଗଷ୍ଟ ମାସରେ ତାଙ୍କ ମାତା ପିତା କରୋନାରେ ଆକ୍ରାନ୍ତ ହୋଇଥିଲେ। ତମନ୍ନା ସାମାଜିକ ଗଣମାଧ୍ୟମ ଜରିଆରେ ଏ ସମ୍ପର୍କରେ ଜଣାଇବା ସହ ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନଙ୍କୁ କରୋନା ଟେଷ୍ଟ କରାଇନେବା ପାଇଁ ପରାମର୍ଶ ଦେଇଥିଲେ। ସେତେବେଳେ ତମନ୍ନା ମଧ୍ୟ କରୋନା ପରୀକ୍ଷା କରାଇଥିଲେ। ମାତ୍ର ତାଙ୍କ ରିପୋର୍ଟ ନେଗେଟିଭ୍ ଆସିଥିଲା।
Comments are closed.