କଟକ: ସ୍ୱଚ୍ଛ କଟକ ସୁସ୍ଥ କଟକର ବାର୍ତ୍ତା ନେଇ କଟକ ମହାନଗର ନିଗମ ପକ୍ଷରୁ ଏକ ସହର ସ୍ବଚ୍ଛତା ସେବା ଅଭିଯାନ ଆୟୋଜିତ ହୋଇଯାଇଛି। ରାଣୀହାଟ କ୍ଲକ ଟାୱାର ଛକରୁ ଏକ ୱାକାଥନ ଶୋଭାଯାତ୍ରାରେ କଟକ ମେୟର ସୁବାସ ସିଂ, କମିଶନର ଅନାମ ଚରଣ ପାତ୍ର, ବିଭିନ୍ନ ୱାର୍ଡର କର୍ପୋରେଟର, ସ୍ବେଚ୍ଛାସେବୀ, ସ୍କୁଲ ଛାତ୍ରଛାତ୍ରୀ ବାହାରି ତାଳଦଣ୍ଡା କେନାଲ ରାସ୍ତାକୁ ସଫା କରିଥିଲେ। ଏଥିସହ ସ୍ବଚ୍ଛ ଭାରତ-ସ୍ବଚ୍ଛ କଟକ ବାର୍ତ୍ତା ନେଇ ସଚେତନତା ସୃଷ୍ଟି କରିଥିଲେ। ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା। ନିଜ ସହରକୁ ନିଜେ ସଫା ରଖିଲେ ପରିବେଶ ଭଲ ରହିବା ସହ ସମସ୍ତଙ୍କ ସ୍ବାସ୍ଥ୍ୟ ଓ ବିକାଶ ସଠିକ ଦିଗରେ ଅଗ୍ରସର ହେବ ବୋଲି ମେୟର କହିଛନ୍ତି।
Comments are closed.