ନୂଆଦିଲ୍ଲୀ: ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଇଡ଼ି ଗିରଫ କରିବା ମାମଲା ସୁପ୍ରିମକୋର୍ଟରେ ପହଞ୍ଚିଛି। ହେମନ୍ତ ସୋରେନଙ୍କୁ ଗିରଫ କରାଯିବା ନେଇ ତାଙ୍କ ଓକିଲ କପିଲ ସିବଲ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ଏହାକୁ ନେଇ ପ୍ରଧାନ ବିଚାରପତି ଶୁଣାଣି କରିବେ। ସଲିସିଟର ଜେନେରାଲ ଏହି ମାମଲାରେ କହିଛନ୍ତି ଯେ ହେମନ୍ତଙ୍କ ଗିରଫ ବିରୋଧରେ ହାଇକୋର୍ଟରେ ଶୁଣାଣି ହେବ। ଏପଟେ କପିଲ ସିବଲ କହିଛନ୍ତି ଯେ ଆମେ ହାଇକୋର୍ଟଙ୍କ ମାମଲା ପ୍ରତ୍ୟାହାର କରିବୁ। ହେମନ୍ତ ସୋରେନଙ୍କ ଆବେଦନର ଶୁଣାଣି କରିବାକୁ ସୁପ୍ରିମକୋର୍ଟ ରାଜି ହୋଇଛନ୍ତି।
ସୂଚନା ଅନୁସାରେ ଆସନ୍ତାକାଲି ଅର୍ଥାତ୍ ଶୁକ୍ରବାର ଦିନ ସୁପ୍ରିମକୋର୍ଟ ଏହି ମାମଲାର ଶୁଣାଣି କରିବେ।
ଅନ୍ୟପଟେ ହେମନ୍ତ ସୋରେନ ଗିରଫ ହେବା ପରେ ରାଞ୍ଚିରେ ଉତ୍ତେଜନା ଦେଖାଦେଇଛି। ହେମନ୍ତ ସୋରେନଙ୍କୁ ଗୁରୁବାର ଅପରାହ୍ନ ୩ଟାରେ କୋର୍ଟରେ ହାଜର କରିବ ଇଡ଼ି। ଏଥିପାଇଁ କୋର୍ଟ ବାହାରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
