ସମାଜ ଡିଜିଟାଲ ଡେସ୍କ: ପୁଲିସ ଏସଆଇ ନିଯୁକ୍ତି ଦୁର୍ନୀତିରେ ‘ବଣିକ’ର ସମ୍ପୃକ୍ତି ନାହିଁ। ଗୁରୁବାର ଭୁବନେଶ୍ଵରର ଘରୋଇ କୋଚିଂ ସେଣ୍ଟର ‘ବଣିକ’ ଉପରେ କ୍ରାଇମବ୍ରାଞ୍ଚ ଚଢ଼ାଉ କରିବା ପରେ ନିଜର ମତ ରଖିଛନ୍ତି ଅନୁଷ୍ଠାନର ମୁଖ୍ୟ ସୁବ୍ରତ ଛାଟୋଇ।
ସୁବ୍ରତ କହିଛନ୍ତି, ଏହି ଚଢ଼ାଉ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ। ଦୁର୍ନୀତିରେ ବଣିକର କୌଣସି ସମ୍ପୃକ୍ତି ନାହିଁ। ସେ ବିଜେଡିରେ ଥିବାରୁ ତାଙ୍କୁ ଟାର୍ଗେଟ କରାଯାଉଛି। ମିଡିଆ ଟ୍ରାଏଲ କରି ତାଙ୍କୁ ବଦନାମ କରାଯାଉଛି। ପୂର୍ବରୁ ଆଇଟି ରେଡ୍ ବି କରାଯାଇଥିଲା। କେବଳ ବଣିକରେ କାହିଁକି, ଅନ୍ୟ ଅନୁଷ୍ଠାନରେ ବି ଚଢ଼ାଉ ହେଉ। ସେ ଯଦି ଦୋଷୀ ତାଙ୍କୁ ବନ୍ଧାଯାଉ ବୋଲି ସୁବ୍ରତ କହିଛନ୍ତି।
