ସମାଜ ଡିଜିଟାଲ ଡେସ୍କ: ମହିଳା କ୍ରିକେଟ ବିଶ୍ଵକପର ଗୁରୁବାର ଏକ ମ୍ୟାଚରେ ଦକ୍ଷିଣ ଆଫ୍ରିକାକୁ ୨୫୨ ରନର ଟାର୍ଗେଟ ଦେଇଛି ଭାରତୀୟ ଦଳ। ଭାରତୀୟ ମହିଳା କ୍ରିକେଟ ଦଳ ପ୍ରଥମେ ବ୍ୟାଟିଂ କରି ୪୯.୫ ଓଭରରେ ସମସ୍ତ ଓ୍ବିକେଟ ହରାଇ ୨୫୧ ରନ ସଂଗ୍ରହ କରିଛି। ଦଳ ପକ୍ଷରୁ ରିଚା ଘୋଷ ସର୍ବାଧିକ ୯୪ ରନ ସଂଗ୍ରହ କରିଥିଲେ। ମିଡିଲ ଅର୍ଡର ବିଫଳତା ଯୋଗୁ ଭାରତ ୧୦୦ ରନରେ ୫ ଉଇକେଟ ହରାଇ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଳା। ମାତ୍ର ରିଚା ଘୋଷ ଏବଂ ସ୍ନେହ ରାଣାଙ୍କ ଗୁରୁତ୍ଵପୂର୍ଣ୍ଣ ପାଳି ଦଳକୁ ଏକ ସମ୍ମାନଜନକ ସ୍କୋରରେ ପହଞ୍ଚାଇଥିଲା। ସ୍ନେହ ୩୩ ରନ କରିଥିଲେ।
ଦକ୍ଷିଣ ଆଫ୍ରିକା ତରଫରୁ କ୍ଲୋଇ ଟ୍ରାଇଅନ ସର୍ବାଧିକ ୩ ଉଇକେଟ ନେଇଥିବାବେଳେ ମାରିଜାନେ କାପ୍, ନାଦିନେ ଡି କ୍ଲର୍କ, ନନକୁଲୁଲେକୋ ମାବା ଦୁଇଟି ଲେଖାଏ ଏବଂ ଟୁମି ସେଖୁଖୁନେ ଗୋଟିଏ ଉଇକେଟ ଅକ୍ତିଆର କରିଥିଲେ।
- Advertisement -
୨୫୨ ରନର ଜବାବରେ ଦକ୍ଷିଣ ଆଫ୍ରିକା ରାତି ସାଢ଼େ ୮ଟା ସୁଦ୍ଧା ୯ ଓଭର ଖେଳ ୨ ଉଇକେଟ ବିନିମୟରେ ୩୩ ରନ କରିଛି।
