ସୁଆଣ୍ଡୋ: ପିପିଲି ସଚେତନ ନାଗରିକ ମଞ୍ଚ ଆନୁକୂଲ୍ୟରେ ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ଜନ୍ମମାଟି ସୁଆଣ୍ଡୋ ଗ୍ରାମରେ ସଫେଇ କାର୍ଯ୍ୟକ୍ରମ କରାଯାଇଛି । ହାତରେ କୋଦାଳ, ଝୁଡି ଧରି କ୍ରୀଡା ଶିକ୍ଷକ ବ୍ରଜକିଶୋର ପାଇକରାୟଙ୍କ ନେତୃତ୍ବରେ ୨୦ ଜଣ ସ୍ୱେଚ୍ଛାସେବୀ ପହଞ୍ଚି ଥିଲେ । ପ୍ରଥମେ ପୁଣ୍ୟାତ୍ମା ଗୋପବନ୍ଧୁଙ୍କ କୁଳଦେବତା ଶ୍ରୀ ରାଧାବିନୋଦ ବିହାରୀ ଦେବଙ୍କୁ ଦର୍ଶନ କରି ପୂଜାର୍ଚ୍ଚନା କରିଥିଲେ । ମହାପୁରୁଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ସ୍ୱଚ୍ଛ ଭାରତ ମିଶନ କାର୍ଯ୍ୟକ୍ରମରେ ଗାଁ ଦାଣ୍ଡ ସଫେଇ କରିଥିଲେ । ଆସନ୍ତା ଗୋପବନ୍ଧୁ ଜୟନ୍ତୀ ସୁଦ୍ଧା ନାଗରିକ ମଞ୍ଚ ପକ୍ଷରୁ ପିପିଲି ଡାକ୍ତରଖାନାକୁ ଗୋଟିଏ ସ୍ୱର୍ଗ ରଥ ଯୋଗାଇ ଦିଆଯିବ ବୋଲି ଆବାହକ ସୁରେଶ ଚନ୍ଦ୍ର ରଥ ଘୋଷଣା କରିଥିଲେ । ଅନ୍ୟମାନଙ୍କ ମଧରେ ସଭାପତି ରମେଶ ଚନ୍ଦ୍ର ସତପଥୀ, ନରହରି ସିଂହ, ପ୍ରମିଳା ରଥ, ବାସନ୍ତୀ ସାହୁ, ଝୁନୁ ପ୍ରଧାନ, ବିଳାସିନୀ ସେଠୀ, ସନାତନ ସ୍ୱାଇଁ, ବିଳାସ ସେଠୀ, ବ୍ରଜବିହାରୀ ରାୟ, ଜୟନ୍ତୀ ସେଠୀ, ଅଶୋକ ସିଂହ, ଗୀତାଞ୍ଜଳି ସେଠୀ, ପ୍ରଫୁଲ୍ଲ ବାରିକ ଓ ଗୋପାଳ ସିଂହ ପ୍ରମୁଖ ଗ୍ରାମସଫେଇରେ ଅଂଶ ଗ୍ରହଣ କରିଥିଲେ ।
Comments are closed.