ସୁଆଣ୍ଡୋ : ହିନ୍ଦୁ ଧର୍ମରେ ବିଶ୍ବାସ ରହିଛି ଯେ ଅକ୍ଷିତୃତୀୟା ତିଥିରେ ସମସ୍ତ ଶୁଭ କାର୍ଯ୍ୟର ଅନୁକୂଳ କରାଯାଇଥାଏ । ଏହି ପରମ୍ପରାକୁ ନଜରରେ ରଖି କାହିଁ କେଉଁ କାଳରୁ ଚାଷୀମାନେ ଅଖିମୁଠି ଅନୁକୂଳ କରି ଆସୁଛନ୍ତି । ଘର ର ମହିଳା ମାନେ ଟୋକେଇ ଗଉଣୀ କୁ ପିଠଉରେ ଚିତ୍ରିତ କରିଥାନ୍ତି । ସେଥିରେ ଶୁକ୍ଳ ଧାନ ରଖି ଘର ମୁରବୀ ଗାଧୋଇ ଶୁଦ୍ଧପୂତ ଭାବେ ବିହନ ଟୋକେଇ ମୁଣ୍ଡରେ ମୁଣ୍ଡେଇ ବିଲକୁ ଯାଇଥାଏ । ବିଲ ର ଐଶାନ୍ୟ କୋଣରେ ବିହନ ଟୋକେଇ ରଖି ମା ଲକ୍ଷ୍ମୀଙ୍କୁ ଖଇ କୋରା ପାଚିଲା କଦଳୀ ଭୋଗ ଲାଗି କରାଯିବା ପରେ ବିହନ ଅନୁକୂଳ କରାଯାଇଥାଏ । କରୋନା କଟକଣା ଯୋଗୁ ମୂଲିଆ ଅଭାବ । ଏବର୍ଷ କାଳବୈଶାଖୀ ବର୍ଷା ଯୋଗୁ ବିଲ କାଦୁଅ ହୋଇଥିବା ଦୃଷ୍ଟିରୁ ହଳ ବଳଦ ଦ୍ଵାରା କାମ କରିବା ସମ୍ଭବ ନଥିଲା । ଏତେ ସବୁ ପ୍ରତିକୂଳ ପରିସ୍ଥିତିରେ ମଧ୍ୟ ଚାଷୀ ପୁଅ ଫାଉଡାରେ ମାଟି ହାଣି ଅନୁକୂଳ କରିଥିବା ଦେଖିବାକୁ ମିଳିଛି । ଜନ ବିଶ୍ବାସ ରହିଛି ଯେ ଏହି ଦିନରେ ଧାନ ବିହନ ବୁଣା ଅନୁକୂଳ କଲେ ଭଲ ଫସଲ ଅମଳ ହୋଇଥାଏ ଏବଂ ସେମାନଙ୍କର ବରଷକର ପରିଶ୍ରମ ବୃଥା ଯାଇ ନଥାଏ ବୋଲି ବିଶ୍ଵାସ ରହିଆସିଛି ।
Popular Categories
Previous article
Next article