ସୁଆଣ୍ଡୋ : ପୁରୀ ଜିଲା ସତ୍ୟବାଦୀବ୍ଲକ କେତକୀପାଟଣା ପଞ୍ଚାୟତ ପଦ୍ମପୁରରେ ସ୍ଥିତ ରୁଦୁପୁର ଗ୍ରାମରେ ଥିବା ବେଆଇନ କରତ କଳକୁ ବନ ବିଭାଗ ପକ୍ଷରୁ ଜବତ କରାଯାଇଛି। ଏହି କରତ କଳଟି ଦୀର୍ଘ ଦିନ ଧରି ଏଠାରେ ଚାଲୁଥିଲା। ପୁରୀ ବାଲୁଖଣ୍ଡ କୋଣାର୍କ ବ୍ରଦ୍ମଗିରି ଓ ଗୋପ ବନ ବିଭାଗ ରେଞ୍ଜରଙ୍କ ସହିତ ଏସ ସି ଏଫ ରବିନାରାୟଣ ମହାପାତ୍ର ମାଜିଷ୍ଟ୍ରେଟ ତହସିଲଦାର ସମେତ ଶତାଧିକ କର୍ମଚାରୀ ମିଳିତ ଚଢଉ କରିଥିଲେ। ଲକ୍ଷାଧିକ ଟଙ୍କାର ଯନ୍ତ୍ରାଂଶ ବିପୁଳ ପରିମାଣର କାଠ ପଟା ଆଦି ଜବତ କରାଯାଇଛି। ସେହିପରି ଏହି ଅଞ୍ଚଳରେ ରହିଥିବା ବେଆଇନ କରତକଳ ଗୁଡ଼ିକ ଉପରେ ଆଗାମୀ ଦିନରେ ଚଢଉ ଜାରି ରହିବ ବୋଲି ବନ ବିଭାଗ କର୍ମଚାରୀଙ୍କ ଠାରୁ ସୂଚନା ମିଳିଛି।
