ପୁରଦିଆ କାକୁଡି

କାକୁଡି ଖାଇବା ସ୍ୱାସ୍ଥ୍ୟ ପାଇଁ ଖୁବ ଉପକାରୀ। ବିଶେଷ କରି ଖରାଦିନେ କାକୁଡି ଖାଇବା ଆବଶ୍ୟକ ବୋଲି କୁହାଯାଏ। ଏଥିରେ ୯୫%ଜଳ ରହିଛି। ଏହାସହ ଭିଟାମିନ ସି, ଭିଟାମିନ କେ, ମ୍ୟାଗ୍ନେସିୟମ, ପୋଟାସିୟମ, ଆଦି ରହିଛି। ଯାହା ତ୍ୱଚା ସହ କେଶ ପାଇଁ ମଧ୍ୟ ଉପକାରୀ। ତେବେ ଜାଣନ୍ତୁ କିଭଳି କାକୁଡିରେ ପ୍ରସ୍ତୁତ କରିବେ ଏକ ସ୍ୱାଦିଷ୍ଟ ପୁରଦିଆ କାକୁଡି।
ଆବଶ୍ୟକ ସାମଗ୍ରୀ
କାକୁଡି – ୪ଟି
ପନୀର – କୋରା (୨୫୦ ଗ୍ରାମ)
ସରୁ ସରୁ କଟା ହୋଇଥିବା ୧ଟି ପିଆଜ
ଟମାଟୋ – ୨ଟି (କଟା ହୋଇଥିବା)
ସିମଲା ଲଙ୍କା – ୧ଟି
କଳାଲୁଣ – ଅଳ୍ପ
ଲୁଣ – ଅଳ୍ପ
ପ୍ରସ୍ତୁତି ପ୍ରଣାଳୀ – ପ୍ରଥମେ କାକୁଡିକୁ ଲମ୍ବା ଆକାରରେ କାଟି ଦିଅନ୍ତୁ। ଏବେ ଚାମଚ ଦ୍ୱାରା କାକୁଡି ମଞ୍ଜି ବାହାର କରି ଦିଅନ୍ତୁ। ଏବେ ଏକ ପାତ୍ରରେ ପନୀର, ଟମାଟୋ, ପିଆଜ, କଳା ଲୁଣ, ଲୁଣ ଭଲ ଭାବେ ମିଶାଇ ଦିଅନ୍ତୁ। ଏହାକୁ କାକୁଡି ମଝିରେ ଦିଅନ୍ତୁ। ପ୍ରସ୍ତୁତ ହୋଇଗଲା ପୁରଦିଆ କାକୁଡି।