ପରୀକ୍ଷା ହଲ୍‌ରେ ଫ୍ୟାନ୍ ଖସିପଡି କଟିଗଲା ଛାତ୍ରଙ୍କ କାନ

ନୂଆଦିଲ୍ଲୀ – ପରୀକ୍ଷା ଚାଲିଥିବା ବେଳେ ଗୋଟିଏ ସିଲିଂ ଫ୍ୟାନ ଖସିପଡିବାରୁ ଜଣେ ପରୀକ୍ଷାର୍ଥୀଙ୍କ କାନ କଟିଯାଇଛି । ହଂସରାଜ ମହାବିଦ୍ୟାଳୟରେ ପରୀକ୍ଷା ଚାଲିଥିବା ବେଳେ ଏହି ଅଘଟଣ ଘଟିଥିଲା । ଫ୍ୟାନ ଟି ସେହି ସମୟରେ ବୁଲୁଥିଲା । ଶ୍ରେଣୀ ଗୃହର ଶେଷ ଆଡକୁ ଥିବା ଏହି ଫ୍ୟାନଟି ହଠାତ୍‌ ଖସି ପଡିଥିଲା । ଏଥିରେ ଛାତ୍ର ଜଣଙ୍କ କାନ କଟିଯାଇଛି ।

ମାତ୍ର ତାଙ୍କର ଜୀବନ ବଞ୍ଚିଯାଇଛି । ଫ୍ୟାନ ଖସିବା ପୂର୍ବରୁ ବିକଟାଳ ଶଦ୍ଦ ହୋଇଥିଲା । ଏଥିରେ ଶ୍ରେଣୀ ଗୃହରେ ଥିବା ଛାତ୍ରଛାତ୍ରୀ ଭୟଭୀତ ହୋଇଯାଇଥିଲେ । ଆହତ ଛାତ୍ର ଏ ବିଷୟରେ କୌଣସି ପ୍ରତିକ୍ରିୟା ଦେବା ପାଇଁ ମନା କରିଦେଇଛନ୍ତି ।

ମହାବିଦ୍ୟାଳୟ କର୍ତ୍ତୃପକ୍ଷଙ୍କ କାର୍ଯ୍ୟାନୁଷ୍ଠାନ ଭୟରେ ସେ କିଛି କହିବା ପାଇଁ ମନା କରିଛନ୍ତି । ଏବିଭିପି ପକ୍ଷରୁ ଏ ନେଇ ମହାବିଦ୍ୟାଳୟ ଅଧ୍ୟକ୍ଷଙ୍କୁ ଦାବି ପତ୍ର ପ୍ରଦାନ କରାଯାଇଛି ।