ନୂଆଦିଲ୍ଲୀ – ମାତ୍ର ୧୦ ହଜାର ଟଙ୍କାରେ ବ୍ୟବସାୟ ଆରମ୍ଭ କରିଥିବା ରାଜେଶ ମେହେତା ଏବେ ୧୩ହଜାର ୮୦୦ କୋଟି ଟଙ୍କାର ମାଲିକ . ସେ ଦେଶର ସବୁଠାରୁ ବଡ ସୁନା ବ୍ୟବସାୟୀ ।
ଗୁଜୁରାଟର ରାଜେଶ ମାତ୍ର ୧୬ ବର୍ଷ ବୟସରେ ବ୍ୟବସାୟ ଆରମ୍ଭ କରିଥିଲେ । ତାଙ୍କ ପିତା ଏହି ସୁନା ଅଳଙ୍କାର ବ୍ୟବସାୟ ପାଇଁ ବେଙ୍ଗାଲୁରୁ ଆସିଥିଲେ । ନିଜ ପରିବାରର ଏହି ବ୍ୟବସାୟକୁ ଆଗକୁ ନେବା ପାଇଁ ରାଜେଶ ତାଙ୍କ ବଡ ଭାଇଙ୍କ ସହ ମିଶିକରି ବ୍ୟବସାୟ କରିଥିଲେ । ୧୯୮୯ ମସିହାରେ ସେ ୧୦ ହଜାର ଟଙ୍କା ଧାର କରି ବ୍ୟବସାୟ ଆରମ୍ଭ କରିଥିଲେ । ଚେନ୍ନାଇରୁ ଗହଣା କିଣିବା ପରେ ସେ ଗୁଜୁରାଟରେ ତାକୁ ବିକ୍ରି କରି ଦେଉଥିଲେ ।
ବ୍ୟବସାୟ ବେଳେ ସେ ପ୍ରଥମେ ତାଙ୍କ ଭାଇଙ୍କଠାରୁ ଦୁଇ ହଜାର ଟଙ୍କା ଏବଂ ବ୍ୟାଙ୍କଠାରୁ ୮ ହଜାର ଟଙ୍କା ନେଇଥିଲେ । ଏକ ଛୋଟ ଗ୍ୟାରେଜ୍କୁ ସେ ଜୁଏଲାରୀ ଦୋକାନରେ ପରିଣତ କରି ବ୍ୟବସାୟ ଆରମ୍ଭ କରିଥିଲେ । ଏବେ ସେ ବ୍ରିଟେନ୍, ଦୁବାଇ ସହ ବିଶ୍ୱର ବିଭିନ୍ନ ଦେଶକୁ ସ୍ୱର୍ଣ୍ଣ ଆଭୂଷଣ ରପ୍ତାନୀ କରୁଛନ୍ତି । ଏବେ ସେ ୧୩ହଜାର ୮୦୦ କୋଟି ଟଙ୍କାର ମାଲିକ ।
Comments are closed.